ভূপাল,২০ ডিচেম্বৰ : ভাৰতীয় জনতা পাৰ্টীৰ সাংসদ সাধ্বী প্ৰজ্ঞাৰ স্বাস্থ্যৰ অৱনতি ঘটাত শুকুৰবাৰে দিল্লীৰ এইমছত ভৰ্তি কৰোৱা হয় ৷ সাংসদগৰাকীৰ শুকুৰবাৰে স্বাস্থ্যৰ অৱনতি ঘটাত দিল্লীলৈ প্ৰেৰণ কৰা হয় ৷ সাধ্বী প্ৰজ্ঞাৰ কৰ’ণা পৰীক্ষাৰ ফলাফল নিগেটিভ আহে যদিও শ্বাস-প্ৰশ্বাসত পোৱা কষ্টৰ বাবে ততালিকে চিকিৎসালয়ত ভৰ্তি কৰোৱা হয় ৷ সম্প্ৰতি চিকিৎসাধীন হৈ আছে সাংসদগৰাকী ৷ যাৰ বাবে সাংসদগৰাকীয়ে শনিবাৰে মুম্বাইৰ নিয়াৰ বিশেষ আদালতত উপস্থিত হ’ব নোৱাৰিলে ৷
সাধ্বী ভূপালৰ চেহোৰ লোকসভা সমষ্টিৰ বিজেপিৰ এগৰাকী সাংসদ ৷ সাংসদগৰাকী ২০০৮ চনৰ মালেগাঁও বিষ্ফোৰণৰ পিছতে চৰ্চালৈ আহে ৷ এই কাণ্ডত জড়িত থকাৰ অপৰাধত সাংসদগৰাকীক কৰায়ত্ত কৰা হৈছিল আৰু সাধ্বীৰ বিৰুদ্ধে আদালতত গোচৰ চলি আছিল ৷ এই গোচৰৰে শনিবাৰে শুনানি আছিল ৷ এই শুনানিত আদালতে প্ৰজ্ঞা সহিতে অন্য অভিযুক্তসকলক আদালতত উপস্থিত থকাৰ নিৰ্দেশ প্ৰদান কৰিছিল ৷
