নেশ্যনেল ডেস্ক, 3 জুলাই : পুনৰ সংবাদ মাধ্যমৰ শিৰোনামা দখল কৰিছে মহাৰাষ্ট্ৰৰ ৰাজনীতিয়ে ৷ অজিত পাৱাৰে 8 নেতাৰ সৈতে পোনপটীয়াকৈ মন্ত্ৰী হিচাপে শপত গ্ৰহণ কৰাৰ পিছত নেশ্যনেলিষ্ট কংগ্ৰেছ পাৰ্টীত বিভাজন আৰম্ভ হৈছে । নেশ্যনেলিষ্ট কংগ্ৰেছ পাৰ্টীৰ সভাপতি জয়ন্ত পাটিলে দেওবাৰে একনাথ সিন্দে নেতৃত্বাধীন ৰাজ্য চৰকাৰত মন্ত্ৰী হিচাপে শপত গ্ৰহণ কৰা অজিত পাৱাৰ আৰু আন 8 জনৰ বিৰুদ্ধে তেওঁৰ দলে বিধায়ক পদ খাৰিজৰ বাবে আৱেদন দাখিল কৰিছে বুলি জানিবলৈ দিয়ে ।
দেওবাৰে সন্ধিয়া সংবাদমেল সম্বোধন কৰি পাটিলে কয় যে অজিত পাৱাৰৰ বিধায়ক পদ খাৰিজৰ আৱেদন মহাৰাষ্ট্ৰ বিধানসভাৰ অধ্যক্ষ ৰাহুল নাৰ্ভেকাৰলৈ প্ৰেৰণ কৰা হৈছে । তেওঁ ৰেংক আৰু নেশ্যনেলিষ্ট কংগ্ৰেছ পাৰ্টীৰ ফাইল দলটোৰ মুৰব্বী শাৰদ পাৱাৰৰ ওচৰত আছে বুলি ভাৰতৰ নিৰ্বাচন আয়োগলৈও ই-মেইল প্ৰেৰণ কৰা হৈছে বুলি জানিবলৈ দিয়ে । উল্লেখ্য যে, 1999 চনত শাৰদ পাৱাৰে প্ৰতিষ্ঠা কৰিছিল দলটো আৰু ভতিজাক অজিত পাৱাৰে শিৱসেনা-বিজেপি চৰকাৰত উপ-মুখ্যমন্ত্ৰী হিচাপে যোগদান কৰাৰ পিচৰে পৰা দলটো বহুধা বিভক্ত হৈ পৰা পৰিলক্ষিত হয় ।
ছগন ভুজবল, দিলীপ ৱালছে পাটিলৰ দৰে শৰদ পাৱাৰৰ আনুগত্যবাদীকে ধৰি এন চি পিৰ আন 8 জন বিধায়কক মন্ত্ৰী হিচাপে নিযুক্তি দিয়া হয় শিৱসেনা-বিজেপি নেতৃত্বাধীন চৰকাৰত । নেশ্যনেলিষ্ট কংগ্ৰেছ পাৰ্টীৰ এই বিধায়কসকলক 'দেশদ্ৰোহী বুলি ক’ব নোৱাৰি কাৰণ তেওঁলোকৰ বিশ্বাসঘাতকতা এতিয়াও প্ৰমাণিত হোৱা নাই ৷ বহুতে এতিয়াও আমাৰ সৈতে যোগাযোগত আছে' বুলি পাৰ্টীৰ সভাপতি জয়ন্ত পাটিলে কয় ।
ছগন ভুজবল, দিলীপ ৱালছে পাটিল, হাছান মুছৰিফ, ধনঞ্জয় মুণ্ডে, ধৰ্মৰাও বাবা আত্ৰম, অদিতি তাটকাৰে, সঞ্জয় বনছোড়ে আৰু অনিল ভাইদাস পাটিলেও মন্ত্ৰী হিচাপে শপত গ্ৰহণ কৰে।
লগতে পঢ়ক : Sudakshina sharma is no more : অন্তিম শয়নত সুকণ্ঠী গায়িকা সুদক্ষিণা শৰ্মা
