নেশ্যনেল ডেস্ক, 2 ছেপ্তেম্বৰ : এলাহবাদ উচ্চ ন্যায়ালয়(Allahabad High Court)এ গৰুক ৰাষ্ট্ৰীয় পশু(National Animal)ৰ মৰ্যাদা দিয়াৰ পোষকতা কৰি প্ৰদান কৰা পৰামৰ্শক বিশিষ্ট মৌলানা(cleric ) আৰু দাৰুল উলুম ফাৰাংগী মহল(Darul Uloom Farangi Mahal)ৰ মুখপাত্ৰ মৌলানা চুফিয়ান নিজামি(Maulana Sufiyan Nizami)এ আদৰণি জনাইছে ৷ ন্যায়ালয়ৰ এই সিদ্ধান্তক আদৰণি জনাই নিজামিয়ে কয় যে, হিন্দু ভাতৃসকলৰ বিশ্বাসৰ প্ৰতি লক্ষ্য ৰাখি কেন্দ্ৰই এই বিষয়ে আলোচনা কৰা প্ৰয়োজন ৷ ন্যায়ালয়ে বুধবাৰে প্ৰদান কৰা এই পৰামৰ্শৰ পাচতে ৰাজনৈতিক মহলত তীব্ৰ বাক-বিতণ্ডাৰ সৃষ্টি হোৱা পৰিলক্ষিত হৈছে ৷
লগতে পঢ়ক : ৰাষ্ট্ৰীয় পশুৰ মৰ্যাদা দিব লাগে গৰুক: এলাহবাদ হাই ক'ৰ্ট
এই বিষয়ত মন্তব্য ৰাখি ধৰ্মগুৰুজনে কয় যে, তেওঁলোকে আৰম্ভণিৰে পৰা গৰুৰ সুৰক্ষা(protection of the cow)ৰ বাবে এখন আইন প্ৰস্তুত কৰাৰ কথা কৈ আহিছে ৷ ইয়াৰ জৰিয়তে গৰুক সুৰক্ষিত কৰাৰ লগতে সন্মানো জনোৱা হ'ব বুলি তেওঁ মন্তব্য কৰে ৷ মৌলানজনে কয় যে, এলাহবাদ উচ্চ ন্যায়ালয়ে প্ৰদান কৰা পৰামৰ্শ সম্পূৰ্ণ ন্যায়সংগত ৷
গৰুক সুৰক্ষিত কৰাৰ লগতে কোটি কোটি ভাৰতীয়ৰ বিশ্বাসক সন্মান জনাই কেন্দ্ৰীয় চৰকাৰে এই বিষয়টোক গুৰুত্ব সহকাৰে বিবেচনা কৰা উচিত বুলি তেওঁ মন্তব্য কৰে ৷
লগতে পঢ়ক : পশু-পালকৰ বাবে আহুকালহে হ’ল নেকি গো-সুৰক্ষা আইন ?
উল্লেখ্য যে, বুধবাৰে এলাহবাদ উচ্চ ন্যায়ালয়ে গৰুৰ বৈদিক(Vedic), পৌৰাণিক(mythological), সাংস্কৃতিক গুৰুত্ব(cultural importance) আৰু সামাজিক উপযোগিতা(social utility)ৰ প্ৰতি লক্ষ্য ৰাখি ইয়াক ৰাষ্ট্ৰীয় পশু হিচাপে ঘোষণা কৰাৰ পৰামৰ্শ প্ৰদান কৰিছিল ৷ ন্যায়ালয়ে কয় যে, গৰুক ভাৰতত মাতৃ হিচাপে গণ্য কৰা হয় ৷ এয়া হিন্দু সকলৰ বাবে এক বিশ্বাসৰ বিষয় ৷ ৰাইজৰ বিশ্বাসক কৰা আঘাতে দেশ এখনক দুৰ্বল কৰি তুলে ৷ ন্যায়ালয়ে আনকি এইবুলিও কয় যে, জিভাৰ সোৱাদে জীৱন কাঢ়ি লোৱাৰ অধিকাৰ নিদিয়ে ৷
লগতে পঢ়ক : মাইকী গৰু-ম'হৰ পোৱালি জন্মৰ বাবে ব্যৱস্থা ল'ব চৰকাৰে
