আগৰতলা,২৩মে': ত্ৰিপুৰাৰ খোৱাই জিলাৰ অন্তৰ্গত তুলসীগড় বন সংমণ্ডলত দেওবাৰে নিশা এটা মতা হাতী পোৱালীৰ মৃত্যু হয়(Male elephant cub dies in Tripura forest) ৷ বনবিভাগে দাবী কৰা অনুসৰি বজ্ৰপাতৰ ফলতে হাতী পোৱালীটোৰ মৃত্যু হয়(Elephant cub dies due to lightning) । DFO ৰঘুল গেশান বিয়ে এই কথা সদৰি কৰে ।
তেঁও উল্লেখ কৰে যে তেঁওলোকে পুৱাৰভাগত বনকৰ্মীৰ জড়িয়তে এই খবৰ লাভ কৰিছিল । তাৰ পাছতে এই সন্দৰ্ভত উৰ্দ্ধতম কৰতৃপক্ষক অৱগত কৰিছিল । তাৰ পাছতেই বিভাগীয় ভাৰপ্ৰাপ্ত বিষয়া আৰু পশু চিকিৎসকৰ সৈতে ঘটনাস্থলীত উপস্থিত হয় । মৃত্য়ুৰ কাৰণ বিচাৰি হাতী পোৱালীটোৰ মৰণোত্তৰ পৰীক্ষা কৰে আৰু বজ্ৰপাতৰ ফলতেই হাতী পোৱালিটোৰ মৃত্য়ু হোৱা বুলি নিশ্চিত কৰে ।
DFO গৰাকীয়ে সদৰি কৰা অনুসৰি হাতীপোৱালিটোৰ দেহত কোনো আঘাটৰ চিন নাছিল । কাণৰ ওচৰৰে কিছু ৰক্তক্ষৰণ হৈছিল পোৱালিটোৰ । আৰু ইয়াৰ পৰাই হাতী পোৱালিটোৰ বজ্ৰপাতৰ ফলতেই মৃত্যু হোৱা বুলি নিশ্চিত হয় । চৰকাৰী কাম-কাজ শেষ হোৱাৰ পাছতেই হাতী পোৱালিটো সমাধিস্থ কৰা হ'ব বুলি জনাই DFO গৰাকীয়ে ।
লগতে পঢ়ক: সাতগাঁৱত বড়োসকলৰ লোক উৎসৱ ৰংজালি বৈশাগুৰ সফল সামৰণি
