কুম্ভমেলা সন্দৰ্ভত প্ৰধানমন্ত্ৰীৰ প্ৰস্তাৱক সমৰ্থন নাৰায়ণ গিৰি মহাৰাজৰ

প্ৰতীকী ৰূপত মহা কুম্ভমেলা অনুষ্ঠিত কৰিবলৈ প্ৰধানমন্ত্ৰী নৰেন্দ্ৰ মোডীয়ে জনোৱা আহ্বানক আদৰণি জনালে জুনা আখাৰাৰ সাধুসকলে । কৰ'ণাসৃষ্ট পৰিস্থিতিৰ পৰিপ্ৰেক্ষিতত প্ৰতীকী ৰূপত কুম্ভমেলা অনুষ্ঠিত কৰিবলৈ আহ্বান জনাইছিল প্ৰধানমন্ত্ৰী গৰাকীয়ে । এই মেলাত অংশগ্ৰহণ কৰা শ শ ভক্ত, কেইবাজনো সাধু, ৰাজনৈতিক নেতা ক'ভিড-১৯ ত আক্ৰান্ত হৈছে ।

নেশ্যনেল ডেস্ক,১৭ এপ্ৰিল: ক'ভিড-১৯ ৰ সংক্ৰমণ বৃদ্ধি হোৱাৰ প্ৰতি লক্ষ্য ৰাখি হৰিদ্বাৰত অনুষ্ঠিত হৈ থকা মহা কুম্ভমেলা প্ৰতীকী ৰূপত অনুষ্ঠিত কৰিবলৈ শনিবাৰে আহ্বান জনাইছিল প্ৰধানমন্ত্ৰী নৰেন্দ্ৰ মোডীয়ে । প্ৰধানমন্ত্ৰী গৰাকীৰ এই আহ্বানৰ প্ৰতি সঁহাৰি জনাই প্ৰতীকী ৰূপত কুম্ভমেলা অনুষ্ঠিত কৰাৰ কথা ঘোষণা কৰিছে জুনা আখাৰাৰ ৰাষ্ট্ৰীয় মুখপাত্ৰ নাৰায়ণ গিৰি মহাৰাজে ।

মহামাৰীৰ সংক্ৰমণ নিয়ন্ত্ৰণ কৰাৰ বাবে প্ৰতীকী ৰূপত কুম্ভমেলা অনুষ্ঠিত কৰিবলৈ অনুৰোধ জনাইছিল প্ৰধানমন্ত্ৰী মোডীয়ে । জুনা আখৰাৰ ৰাষ্ট্ৰীয় মুখপাত্ৰ নাৰায়ণ গিৰি মহাৰাজে কয় যে, সমগ্ৰ দেশতে দ্ৰুতগতিত বৃদ্ধি পোৱা কৰ'ণা মহামাৰীৰ সংক্ৰমণৰ পৰিপ্ৰেক্ষিতত মহা কুম্ভমেলা প্ৰতীকীৰূপে অনুষ্ঠিত কৰা হ'ব । তেওঁ লগতে কয় যে, কুম্ভমেলাৰ আৰম্ভণিৰ পৰাই জুনা আখাৰাই সদায় চৰকাৰৰ পৰামৰ্শৰ প্ৰতি সমৰ্থন জনাই আহিছে ।

• आचार्य महामंडलेश्वर पूज्य स्वामी अवधेशानंद गिरि जी से आज फोन पर बात की। सभी संतों के स्वास्थ्य का हाल जाना। सभी संतगण प्रशासन को हर प्रकार का सहयोग कर रहे हैं। मैंने इसके लिए संत जगत का आभार व्यक्त किया।

  — Narendra Modi (@narendramodi) April 17, 2021 " class="align-text-top noRightClick twitterSection" data="

  आचार्य महामंडलेश्वर पूज्य स्वामी अवधेशानंद गिरि जी से आज फोन पर बात की। सभी संतों के स्वास्थ्य का हाल जाना। सभी संतगण प्रशासन को हर प्रकार का सहयोग कर रहे हैं। मैंने इसके लिए संत जगत का आभार व्यक्त किया।

  — Narendra Modi (@narendramodi) April 17, 2021

  ">

  आचार्य महामंडलेश्वर पूज्य स्वामी अवधेशानंद गिरि जी से आज फोन पर बात की। सभी संतों के स्वास्थ्य का हाल जाना। सभी संतगण प्रशासन को हर प्रकार का सहयोग कर रहे हैं। मैंने इसके लिए संत जगत का आभार व्यक्त किया।

  — Narendra Modi (@narendramodi) April 17, 2021

মহামাৰীৰ বাবে এইবাৰ অধিক সংখ্যক ভক্তক কুম্ভমেলাৰ বাবে হৰিদ্বাৰত উপস্থিত নহ'বলৈ নিৰ্দেশ দিছিল জুনা আখাৰাই । কেৱল সাধুসকলক গংগাত 'শ্বাহি স্নান'ৰ বাবে অনুমতি দিয়া হ'ব । আনহাতে, প্ৰধানমন্ত্ৰী নৰেন্দ্ৰ মোডীয়ে শনিবাৰে কয় যে, তেওঁ আচাৰ্য মহামণ্ডলেশ্বৰ পূজ্য স্বামী অৱধেশানন্দ গিৰিজীৰ সৈতে ফোনযোগে বাৰ্তালাপ কৰি সাধুসকলৰ স্বাস্থ্যৰ বিষয়ে বুজ লয় । প্ৰশাসনে আগবঢ়োৱা সমৰ্থনৰ বাবে তেওঁ প্ৰশাসনকো ধন্যবাদ জনায় । লগতে তেওঁ টুইটযোগে সাধুসকলৰ প্ৰতিও কৃতজ্ঞতা জ্ঞাপন কৰে ।

লগতে পঢ়ক: অৱশেষত জামিন পালে লালু প্ৰসাদ যাদৱে