নিউজ ডেস্ক,১৪ ফেব্ৰুৱাৰী: কৰ্ণাটকৰ বেলাগাভিত আইটি পাৰ্কলৈ ৭৫০ একৰ ভূমি আৱণ্টনৰ অনুৰোধ কৰ্ণাটকৰ উপ মুখ্যমন্ত্ৰী চি এন অশ্বাথ নাৰায়ণৰ ৷ প্ৰতিৰক্ষা মন্ত্ৰী ৰাজনাথ সিঙক আইটি পাৰ্ক নিৰ্মাণৰ বাবে ৭৫০ একৰ ভূমি আৱণ্টন দিবলৈ অনুৰোধ জনায় নাৰায়ণে । ৰাজনাথ সিঙৰ নতুন দিল্লীস্থিত বাসভৱনত সাক্ষাৎ কৰি এই অনুৰোধ জনায় চি এন অশ্বাথ নাৰায়ণে ।
প্ৰতিৰক্ষা মন্ত্ৰালয়ে যদিহে ভূমি আৱণ্টন দিয়ে, তেন্তে ছফটৱেৰ আৰু হাৰ্ডৱেৰ দুয়োটা কোম্পানী আইটি পাৰ্কত স্থাপন কৰিবলৈ কৰ্ণাটক চৰকাৰে পৰিকল্পনা প্ৰস্তুত কৰিব ৷ যিহেতু আইটি পাৰ্কৰ ভূমি বেলাগাভিৰ ৪নং ৰাষ্ট্ৰীয় ঘাইপথৰ সমীপত আছে, গতিকে তাত ছফটৱেৰ পাৰ্ক নিৰ্মাণ কৰিব পৰা যাব বুলি কয় নাৰায়ণে । ইফালে এক বিবৃতিযোগে প্ৰকাশ কৰা হৈছে যে, বেলাগাভি এটা শিক্ষা কেন্দ্ৰ আৰু তাত উদ্যান স্থাপন কৰাটো প্ৰয়োজনীয় ।
লগতে পঢ়ক:প্ৰতিবাদকাৰী কৃষকৰ বিৰুদ্ধে গাজিপুৰ সীমান্তবাসীৰ ধৰ্ণা
