নিউজ ডেস্ক, 22 আগষ্ট : উত্তৰ প্ৰদেশৰ প্ৰাক্তন মুখ্যমন্ত্ৰী কল্যাণ সিঙৰ দেহাৱসান ৷ শনিবাৰে নিশা সঞ্জয় গান্ধী পোষ্ট গ্ৰেজুৱেট ইনষ্টিটিউট অৱ মেডিকেল চায়েঞ্চ (SGPGIMS)ত চিকিৎসাধীন অৱস্থাত শেষ নিঃশ্বাস ত্যাগ কৰে কল্যাণ সিঙে ৷ বিগত 4 জুলাইৰ পৰা বিভিন্ন অংগ বিকল হোৱাৰ ফলত চিকিৎসায়লখনে ভৰ্তি হৈ আছিল বিজেপি নেতাগৰাকী ৷
শুকুৰবাৰে তেওঁৰ স্বাস্থ্যৰ অধিক অৱনতি ঘটাত তেওঁক ডায়লায়চিছ কৰোৱা হয় ৷ কল্যাণ সিঙৰ মৃত্যুত শোক প্ৰকাশ কৰিছে প্ৰধানমন্ত্ৰী নৰেন্দ্ৰ মোডীয়ে ৷ যোৱা মাহত বিজেপি নেতাগৰাকীৰ স্বাস্থ্যৰ বুজ লৈ প্ৰধানমন্ত্ৰীয়ে টুইটযোগ লিখিছিল, "countless people across India are praying for the speedy recovery of Kalyan Singh Ji" অৰ্থাৎ ‘ভাৰতৰ বিভিন্ন ঠাইৰ পৰা অসংখ্য লোকে কল্যাণ সিঙ জীৰ সু-স্বাস্থ্যৰ বাবে প্ৰাৰ্থনা কৰিছে ৷’
শনিবাৰে প্ৰাক্তন মুখ্যমন্ত্ৰীগৰাকীৰ স্বাস্থ্যৰ বুজ ল’বলৈ চিকিৎসালয়ত উপস্থিত হৈছিল উত্তৰ প্ৰদেশৰ মুখ্যমন্ত্ৰী যোগী আদিত্যনাথ ৷
