নেচনেল ডেস্ক, 4 মে’: দীৰ্ঘ সময় ধৰি যাতায়তৰ সমস্যাত ভুগি থকা উত্তৰাখণ্ডৰ জোশীমটৰ দ্বিংগ-তপোন অঞ্চলৰ ৰাইজৰ সমস্যা অৱশেষত সমাধান হ’বলৈ গৈ আছে ৷ পাহাৰীয়া অঞ্চলটোত দলঙৰ অভাৱত পথ নিৰ্মাণৰ কাম আধৰুৱা হৈ আছিল ৷ ঠাইডোখৰত সবাতোকৈ প্ৰত্যাহ্বানপূৰ্ণ কাম আছিল জেচিবি মেচিনক অলকনন্দা নদীৰ সিটো পাৰলৈ লৈ যোৱাটো ৷
কিন্তু পথচোৱাৰ নিৰ্মাণৰ দায়িত্বত থকা ঠিকাদাৰে তাঁৰৰ সহায়ত জেচিবি মেচিনক নদীৰ সিটোপাৰলৈ লৈ যায় ৷ জেচিবিক নদী পাৰ কৰোৱাৰ দৃশ্য চাবলৈ উক্ত স্থানত উপস্থিত হয় বহু স্থানীয় লোক ৷ এতিয়া জেচিবি মেচিন অলকনন্দা নদী পাৰ কৰোৱাৰ পাছত অঞ্চলটোৰ পথ নিৰ্মাণ হোৱাৰ ক্ষেত্ৰত আশাৰ ৰেঙনি জাগি উঠিছে ৷
উল্লেখ্য যে, চৰকাৰৰ ফালৰ পৰা লাংজি, পোশনী, হোনা, দ্বিংগ আৰু তপোন গাঁৱৰ প্ৰায় 25 হাজাৰ লোকৰ যাতায়তৰ সুবিধাৰ্থে 2010 চনত উক্ত অঞ্চলত 6 কিলোমিটাৰ পথ নিৰ্মাণৰ বাবে আঁচনি গ্ৰহণ কৰিছিল ৷ 2018 চনত অঞ্চলটোত বন বিভাগৰ ভূমি হস্তান্তৰ প্ৰক্ৰিয়াও সম্পন্ন হয় যদিও অলকনন্দা নদীৰ ওপৰত দলং নথকাৰ বাবে পথৰ নিৰ্মাণ কাৰ্য স্থগিত ৰখা হৈছিল ৷ অৱশেষত উক্ত অঞ্চলত নদীৰ ওপৰেদি শূণ্যত তাঁৰৰ সহায়ত জেচিবি মেচিন লৈ যোৱাত অঞ্চলটোত আনন্দই বিৰাজ কৰিছে ৷
লগতে পঢ়ক: আৱেগিক সুৰেশ বৰা: জিতু গোস্বামীৰ মুখ্যমন্ত্ৰীৰ পছন্দৰ প্ৰাৰ্থী হিমন্ত
