নেশ্যনেল ডেস্ক, ১৫ জুন : ডুবাইত অনুষ্ঠিত হ'ব ২০২১-২২ বৰ্ষৰ বিশ্ব বাণিজ্য মেলা (World Expo) । চলিত বৰ্ষৰ অক্টোবৰ মাহৰ পৰা ২০২২ চনৰ মাৰ্চ মাহলৈকে অনুষ্ঠিত হ'বলগীয়া এই মেলাত অংশ ল'ব ভাৰতে । সোমবাৰে কেন্দ্ৰীয় মন্ত্ৰী জীতেন্দ্ৰ সিঙে (Jitendra Singh) এই কথা জানিবলৈ দিয়ে ।
সিঙৰ উদ্ধৃতি দি এক চৰকাৰী বিবৃতিত উল্লেখ কৰা হৈছে যে, ভাৰতে মহাকাশ (SPACE) খণ্ডত দক্ষতা প্ৰমাণিত কৰিছে যদিও ইয়াৰ উপৰিও ঔষধ, ৰত্ন আৰু আ-অলংকাৰ, ষ্টাৰ্ট-আপ, খাদ্য প্ৰক্ৰিয়াকৰণ, ঐতিহ্য ক্ষেত্ৰ আৰু সংস্কৃতিৰ ক্ষেত্ৰ আদিত দেশৰ অগ্ৰগতি বিশ্ব দৰবাৰত উপস্থাপন কৰিব ।
বিশ্ব বাণিজ্য মেলা (World Expo) চলিত বৰ্ষৰ ১ অক্টোবৰৰ পৰা ২০২২ চনৰ ৩১ মাৰ্চলৈ আয়োজন কৰা হৈছে । প্ৰায় ১৯২ খন দেশে এই বাণিজ্য মেলাত অংশগ্ৰহণ কৰিব । ভাৰতে মহাকাশ প্ৰযুক্তিকে ধৰি ১১টা থীম প্ৰদৰ্শন কৰিব ।
লগতে পঢ়ক:আনাৰস আৰু কঁঠালক জৈৱিক প্ৰমাণপত্ৰ প্ৰদানৰ চেষ্টা ত্ৰিপুৰা চৰকাৰৰ
