নিউজ ডেস্ক, 1 জানুৱাৰী: ১৯৮৮ চনৰ পাৰমাণৱিক সংস্থাপন আৰু আক্ৰমণ নিষিদ্ধকৰণ চুক্তি অনুসৰি পাৰমাণৱিক শক্তিৰ তথ্যৰ আদান-প্ৰদান কৰি অহা হৈছে ভাৰত-পাকিস্তানৰ মাজত ।
তিনি দশকৰো অধিক সময় ধৰি দুয়োখন চুবুৰীয়া দেশৰ মাজত প্ৰতিবছৰে আদান-প্ৰদান কৰি অহা হৈছে পাৰমাণৱিক তথ্যৰ আদান-প্ৰদান ৷ সেই অনুসৰি দেওবাৰ অৰ্থাৎ 1 জানুৱাৰী, 2023তো ভাৰত আৰু পাকিস্তানৰ মাজত আক্ৰমণাত্মক কাৰ্যকলাপ ৰোধৰ বাবে পাৰমাণৱিক শক্তি তালিকাৰ আদান-প্ৰদান কৰা হয় (India and Pakistan Nuclear Installations list exchange)৷
১৯৮৮ চনৰ ৩১ ডিচেম্বৰত স্বাক্ষৰিত আৰু ১৯৯১ চনৰ ২৭ জানুৱাৰীত অনুমোদিত পাৰমাণৱিক আক্ৰমণ নিষিদ্ধকৰণ চুক্তিৰ(Non Nuclear Aggression Agreement) দ্বিতীয় অনুচ্ছেদ অনুসৰি পাৰমাণৱিক শক্তি স্থাপন আৰু মজুত থকা শক্তিৰ তালিকা আদান-প্ৰদান কৰি অহা হৈছে । উক্ত চুক্তি অনুসৰি দুয়োখন দেশে ইখনে সিখনক মজুত থকা পাৰমাণৱিক শক্তিৰ বিষয়ে অৱগত কৰিব লাগে ৷ গতিকে দেওবাৰে ইছলামাবাদত বৈদেশিক পৰিক্ৰমা মন্ত্ৰণালয়ত পাৰমাণৱিক শক্তিৰ তথ্য প্ৰদান কৰে পাকিস্তানে ৷
সমান্তৰালভাৱে ভাৰতৰ বৈদেশিক পৰিক্ৰমা মন্ত্ৰালয়েও পাৰমাণৱিক শক্তিৰ তালিকা নতুন দিল্লীত পাকিস্তান উচ্চায়ুক্তৰ প্ৰতিনিধিক অৰ্পণ কৰে বুলি বৈদেশিক মন্ত্ৰণালয়ে প্ৰকাশ কৰিছে । কাশ্মীৰ সমস্যাৰ লগতে সীমা অতিক্ৰম কৰি সন্ত্ৰাসবাদক লৈ দুয়োখন দেশৰ মাজত উত্তেজনা সৃষ্টি হোৱাৰ সময়তে এই আদান-প্ৰদান কৰা হৈছে ।
লগতে পঢ়ক: Corruption of Former Maldivian President: মালদ্বীপৰ প্ৰাক্তন ৰাষ্ট্ৰপতিক ১১ বছৰৰ কাৰাদণ্ড
