নিউজ ডেস্ক, 24 ডিচেম্বৰ : বিশ্ব অভিলেখ, ইতিহাস সৃষ্টিৰ দৌৰত দেশৰ ভিন্ন প্ৰান্তৰ ভিন্ন লোক ৷ ইতিহাস সৃষ্টিৰ দৌৰত এইবাৰ মহাৰাস ৷ এইবাৰ মহাৰাস প্ৰদৰ্শনেৰে সৃষ্টি হ’ল এক অনন্য ইতিহাস ৷ মহাৰাস প্ৰদৰ্শনেৰে ইতিহাস সৃষ্টিৰ প্ৰচেষ্টা এক বিশেষ জনগোষ্ঠীৰ ৷ কেৱল ভাৰতৰে নহয়, বিদেশৰ বিভিন্ন প্ৰান্তৰ পৰাও বিশ্ব অভিলেখৰ এই কাৰ্যসূচীত অংশগ্ৰহণ কৰে জনগোষ্ঠীটোৰ বিভিন্ন লোকে ৷ এছ এছ চি খেলপথাৰত আয়োজন কৰা হৈছিল এই মহাৰাস ৷ হাজাৰ হাজাৰ লোকে প্ৰদৰ্শন কৰা এই মহাৰাসৰ দৃশ্য উপভোগ কৰি মুগ্ধ হৈ পৰিল লক্ষ লক্ষ জনতা ৷
প্ৰায় 800 বিঘা মাটিত, 37 হাজাৰ গোপীৰ অংশগ্ৰহণেৰে অনুষ্ঠিত হয় এই মহাৰাসৰ কাৰ্যসূচী ৷ দেওবাৰে আয়োজন কৰা এই মহাৰাসত এক বিশাল জনসমাগম পৰিলক্ষিত হয় ৷ এই মহাৰাস অনুষ্ঠানত দুই লাখতকৈ অধিক লোকে প্ৰসাদ গ্ৰহণ কৰিছিল আৰু 3 লাখৰো অধিক লোকে অনুষ্ঠান দৰ্শনৰ বাবে সমবেত হৈছিল ৷
উল্লেখ্য যে, অহিৰ সম্প্ৰদায় লোকে দেওবাৰে এই ইতিহাস প্ৰতিষ্ঠা কৰে ৷ 37 হাজাৰ অহিৰ জনগোষ্ঠীৰ মহিলাই দেৱভূমি দ্বাৰকাত এই কাৰ্যসূচীত অংশগ্ৰহণ কৰে ৷ কেৱল ভাৰতৰে নহয় বহিঃৰাজ্যত বসবাস কৰা অহিৰ সম্প্ৰদায়ৰ লোকসকলেও এই ৰাসত অংশ লয় ৷ এই অনুষ্ঠান উপলক্ষে মহাৰাস স্থলীত একত্ৰিত হয় অহিৰ জনগোষ্ঠীৰ বিভিন্ন ফৈদ ৷ সমগ্ৰ দেশৰ প্ৰায় 1.5 লাখ অহিৰ সম্প্ৰদায়ে এই অনুষ্ঠানৰ সাক্ষী হৈ ৰয় ৷
ভগৱান শ্ৰীকৃষ্ণৰ কৰ্মভূমিত, তেওঁৰ যাদৱ ৰাজবংশৰ 37 হাজাৰ অহি ৰাণীয়ে ভগৱান দ্বাৰকাধীশৰ চৰণত এই মহাৰাস অৰ্পণ কৰে। শ্ৰীমদ্ভাগৱত গ্ৰন্থৰ ৰস পঞ্চধ্যায়ত বৰ্ণনা কৰা অনুসৰি, বজ্ৰভূমিত ভগৱান কৃষ্ণৰ ঐশ্বৰিক ৰস হাজাৰ হাজাৰ বছৰৰ তপস্যাৰ জৰিয়তে বহুতো ঋষিয়ে প্ৰত্যক্ষ কৰিছিল। এইটো এটা বিৰল সুযোগ হিচাপে প্ৰমাণিত হৈছিল।
লগতে পঢ়ক : একোটা নেমুৰ ওজন প্ৰায় 5 কেজি, ক’ত পাব এই নেমু ?
