নেশ্যনেল ডেস্ক,১৬ ছেপ্টেম্বৰ : মল্লযুঁজাৰুক যৌন নিৰ্যাতন গোচৰৰ অভিযুক্ত ভাৰতীয় মল্লযুঁজ ফেডাৰেচন প্ৰাক্তন সভাপতি ব্ৰীজ ভূষণ শৰণ সিং লগতে নিলম্বিত সহকাৰী সচিব বিনোদ তোমাৰৰ বিৰুদ্ধে আদালতত শুনানি আৰম্ভ হৈছে । শনিবাৰে দিল্লীৰ ৰাউজ এভিনিউ আদালতত উক্ত গোচৰটোৰ শুনানি গ্ৰহণ কৰা হয় । শুনানিৰ সময়ত ব্ৰীজ ভূষণ শৰণ সিং নিজে আদালতত উপস্থিত হয় । তেওঁৰ সৈতে দিল্লী মল্লযুঁজ সংস্থাৰ সভাপতি জয় প্ৰকাশো উপস্থিত থাকে ।
-
#WATCH | Former WFI president and BJP MP Brij Bhushan Sharan Singh arrived at Rouse Avenue Court in Delhi. pic.twitter.com/LxgaMZrTU2
— ANI (@ANI) September 16, 2023 " class="align-text-top noRightClick twitterSection" data="
">#WATCH | Former WFI president and BJP MP Brij Bhushan Sharan Singh arrived at Rouse Avenue Court in Delhi. pic.twitter.com/LxgaMZrTU2
— ANI (@ANI) September 16, 2023#WATCH | Former WFI president and BJP MP Brij Bhushan Sharan Singh arrived at Rouse Avenue Court in Delhi. pic.twitter.com/LxgaMZrTU2
— ANI (@ANI) September 16, 2023
উল্লেখ্য যে তাৰকা মল্লযুঁজাৰু বিনেশ ফোগাট, বজৰং পুনিয়া আৰু সাক্ষী মালিকৰ লগতে আন কেইবাগৰাকী মল্লযুঁজাৰুৱে ব্ৰীজ ভূষণৰ বিৰুদ্ধে যৌন নিৰ্যাতনৰ অভিযোগ উত্থাপন কৰিছিল । তেওঁলোকে দিল্লীৰ যন্তৰ মন্তৰত তীব্ৰ প্ৰতিবাদী কাৰ্যসূচীও ৰূপায়ণ কৰিছিল । মল্লযুঁজাৰুসকলৰ তীব্ৰ প্ৰতিবাদৰ অন্তত দিল্লী আৰক্ষীয়ে ব্ৰীজ ভূষণ শৰণ সিঙৰ বিৰুদ্ধে এটা গোচৰ ৰুজু কৰিছিল ।
মহিলা মল্লযুঁজাৰুসকলক প্ৰতিনিধিত্ব কৰা অধিবক্তা ৰেবেকা জনে কয় যে এজাহাৰ আৰু অভিযোগনামাৰ ওপৰত গুৰুত্ব দিয়াৰ সিদ্ধান্তক ব্ৰীজ ভূষণে আদালতত কোনো প্ৰত্যাহ্বান জনোৱা নাই । লগতে, গোচৰটোত এখন এজাহাৰ দাখিল কৰা হৈছে য'ত সকলো অভিযোগকাৰীৰ বিবৃতি উল্লেখ কৰা হৈছে । আনহাতে সকলো এজাহাৰ একেজন ব্যক্তিৰ বিৰুদ্ধে দাখিল কৰা হৈছিল । সকলো অভিযোগকাৰীয়ে একে ধৰণৰ অপৰাধৰ কথা উল্লেখ কৰিছে । অধিবক্তাই কয় যে যদি এজন অভিযুক্তই একাধিক অপৰাধ সংঘটিত কৰে, সেই অভিযুক্তজনে সকলো অভিযোগৰ সন্মুখীন হ'ব লাগিব ।
ৰেবেকা জনৰ যুক্তি শুনাৰ পাছত অতিৰিক্ত মুখ্য মেট্ৰ'পলিটান মেজিষ্ট্ৰেট হৰজিৎ সিং যশপালে গোচৰটোৰ পৰৱৰ্তী শুনানি ১৫ ছেপ্টেম্বৰলৈ স্থগিত ৰাখে ।
