নিউজ ডেস্ক, ২৭ মে' : দিল্লী উচ্চ ন্যায়ালয়ে দিল্লী চৰকাৰক বাইক আৰু টেক্সি সেৱা প্ৰদানকাৰী ৰেপিডো আৰু উবেৰৰ বিৰুদ্ধে কোনো ব্যৱস্থা গ্ৰহণ নকৰিবলৈ নিৰ্দেশ দিছে (Delhi HC ordered to Delhi govt) । আদালতে কয় যে যেতিয়ালৈকে এনে সেৱা প্ৰদানকাৰীসকলক নিয়ন্ত্ৰণ কৰা বাবে কোনো নিৰ্দেশনাৰ জাননী দিয়া নহয়, তেতিয়ালৈকে তেওঁলোকৰ বিৰুদ্ধে কোনো ব্যৱস্থা লোৱাটো উচিত নহয় । আদালতৰ আদেশ নিশ্চিত কৰিছে ৰেপিডোক প্ৰতিনিধিত্ব কৰা আইন প্ৰতিষ্ঠান এজেডবি ল পাৰ্টনাৰ্ছৰ পৰাগ মাইনিয়ে । প্ৰতিষ্ঠানটোৱে কয় যে এই আদেশ কেৱল কোম্পানীটোৰ বাবেই নহয়, তাৰ সৈতে জড়িত বহু বাইক-টেক্সি অপাৰেটৰৰ বাবেও এক ডাঙৰ সকাহ (Delhi HC relaxation to rapido uber) ।
ইয়াৰ পূৰ্বে যোৱা ফেব্ৰুৱাৰী মাহত দিল্লী চৰকাৰে এক ৰাজহুৱা জাননী জাৰি কৰি কৈছিল যে দেশৰ ৰাজধানী চহৰত বাইক আৰু টেক্সি চলাবলৈ অনুমতি দিয়া হোৱা নাই । যিহেতু অনা-পৰিবহণ (ব্যক্তিগত) পঞ্জীয়ন থকা দুচকীয়া বাহনসমূহ সম্পূৰ্ণৰূপে বাণিজ্যিক কাৰ্যকলাপত জড়িত, সেয়েহে ই মটৰ ভেহিকল আইন আৰু নিয়মৰ এয়া সম্পূৰ্ণ উলংঘন (Motor Vehicles Act and Rules) ।
দিল্লী পৰিবহণ বিভাগে (Delhi transport department) লগতে কৈছিল যে এপ-ভিত্তিক সেৱা প্ৰদানকাৰীসকলে তেওঁলোকৰ সেৱা তৎক্ষণাৎ বন্ধ কৰিব লাগিব । অন্যথা ১ লাখ টকাৰ জৰিমনা ভৰিব লাগিব । আনহাতে, ৰেপিডোৱে এই জাননীখনক প্ৰত্যাহ্বান জনায় আৰু দিল্লী মটৰ ভেহিকল নিয়মৰ সাংবিধানিক বৈধতাক প্ৰত্যাহ্বান জনাই আদালতৰ কাষ চাপে । গোচৰটো সন্দৰ্ভত ৰেপিডোৰ হৈ জ্যেষ্ঠ অধিবক্তা জয়ন্ত মেহতা আদালতত উপস্থিত থাকে (HC orders Delhi Govt not to act against Rapido) ।
উল্লেখ্য যে ইয়াৰ পূৰ্বে মহাৰাষ্ট্ৰ চৰকাৰে ৰেপিডোৰ বাইক আৰু টেক্সি এগ্ৰিগেটৰৰ অনুজ্ঞাপত্ৰ অস্বীকাৰ কৰিছিল । তেতিয়া ৰায়টোক প্ৰত্যাহ্বান জনোৱা ৰেপিডোৰ আবেদন বোম্বাই উচ্চ ন্যায়ালয়ে খাৰিজ কৰিছিল । তাৰ পিছত আদেশটোক প্ৰত্যাহ্বান জনাই উচ্চতম ন্যায়ালয়ৰ কাষ চাপিছিল যদিও ৰেপিডোক সকাহ দিবলৈ শীৰ্ষ ন্যায়ালয়ে অস্বীকাৰ কৰে ।
লগতে পঢ়ক :Filing your IT return : আয়কৰ ৰিটাৰ্ণৰ ক্ষেত্ৰত কি কি সাৱধানতা ল'ব ?
