নেশ্যনেল ডেস্ক, 5 এপ্ৰিল: দেওবাৰে কৰ্ণাটকৰ হাচান জিলাত সংঘটিত হৈছে এক বিস্ফোৰণৰ ঘটনা ৷ জিলাখনৰ হোলেনাৰাচিপুৰাৰ তালুকৰ চাকানেনহালিত জিলেটিন ষ্টিক বিস্ফোৰণ হৈ এজন লোকৰ মৃত্যু হোৱাৰ লগতে আন দুজন লোক গুৰুতৰভাৱে আহত হয় ৷
ঘটনাস্থলীত আৰক্ষী আৰু অগ্নিনিৰ্বাপক বাহিনীৰ লোক উপস্থিত হৈ লোকসকলক উদ্ধাৰ কৰি আহত লোক দুজনক ততালিকে জিলা চিকিৎসালয়ত ভৰ্তি কৰায় ৷ বিস্ফোৰণ সংঘটিত হোৱাৰ পাচত এএচপি নন্দিনী ঘটনাস্থলী পৰিদৰ্শন কৰি বিস্ফোৰণ সংঘটিত দোকানখনৰ স্থায়ী অনুজ্ঞা পত্ৰ থকা বুলি উল্লেখ কৰে ৷
ইফালে, এই ঘটনা সন্দৰ্ভত কংগ্ৰেছ নেতা বাগৌৰ মাঞ্জেগৌড়াই কয়, দোকানখনত জিলেটিন ষ্টিক থকা বুলি বিগত মাহত জিলা প্ৰশাসনক জনোৱা হৈছিল যদিও বিভাগীয় কৰ্তৃপক্ষই কোনো গুৰুত্ব নিদিলে ৷
লগতে পঢ়ক: মহাৰাষ্ট্ৰত ঘোষণা উইকেণ্ড লকডাউন
