আগৰতলা, ১৯ অক্টোবৰ:ত্ৰিপুৰাৰ মুখ্যমন্ত্ৰী ডাঃ মানিক সাহাই (Tripura Chief Minister Dr Manik Saha)মঙলবাৰে আগৰতলাৰ কুঞ্জাবানত প্ৰথমখন চৰকাৰী ইংৰাজী মাধ্যমৰ মহাবিদ্যালয় উদ্বোধন কৰে (government English medium college) ৷ মহাবিদ্যালয়খন উদ্বোধন কৰি ডাঃ সাহাই কয়, "মহাবিদ্যালয় আৰম্ভ কৰাটো এটা অতি কঠিন কাম । মই ত্ৰিপুৰা চিকিৎসা মহাবিদ্যালয়ত অধ্যাপক হিচাপেও কাম কৰিছিলো আৰু এতিয়াও মোৰ অভিজ্ঞতাবোৰ মনত ৰাখিছোঁ, যেতিয়া ভাৰতৰ চিকিৎসা পৰিষদ ইয়ালৈ আহিছিল আৰু তেওঁলোক অহাৰ আগতে আমি তেওঁলোকৰ প্ৰয়োজনীয়তা কেনেদৰে পূৰণ কৰিবলৈ সক্ষম হৈছো ।''
তেওঁ পুনৰ কয়,"মই জানো এই শিক্ষা বিভাগৰ ক্ষেত্ৰত বহুতো বাধা আছে । তেওঁলোকে এই মহাবিদ্যালয়খন আৰম্ভ কৰিবলৈ এইসমূহ বাধা পাৰ হ'ব লাগিব । বৰ্তমান এই মহাবিদ্যালয়খন এক ক্ষুদ্ৰ ৰূপত স্থাপন কৰা হৈছে আৰু অনাগত দিনবোৰত ইয়াৰ বিকাশ হ'ব ।"
তেওঁ পুনৰ কয় যে কোনো প্ৰতিষ্ঠান আৰম্ভ কৰাটো সহজ বিষয় নহয় । কিন্তু শিক্ষা মন্ত্ৰী ৰতন লাল নাথ (Education Minister Ratan Lal Nath) আৰু শিক্ষা বিভাগৰ কঠোৰ পৰিশ্ৰমৰ বাবে তেওঁলোকে এই ধৰণৰ প্ৰতিষ্ঠান আৰম্ভ কৰিছে । ইংৰাজী আমাৰ বাবে অতি প্ৰয়োজনীয় বুলি উল্লেখ কৰি তেওঁ কয়, "আমাৰ ইংৰাজী মাধ্যমৰ মহাবিদ্যালয় আছে, কিন্তু এইবাৰ প্ৰথমবাৰৰ বাবে চৰকাৰে প্ৰথম ইংৰাজী মাধ্যমৰ মহাবিদ্যালয় আৰম্ভ কৰিছে । আমাৰ চৰকাৰে শিক্ষাৰ উন্নতিৰ বাবে কাম কৰি আছে । অদূৰ ভৱিষ্যতে আমি এখন দন্ত মহাবিদ্যালয় লাভ কৰিম ।"
মুখ্যমন্ত্ৰীগৰাকীয়ে (Tripura CM speaks on Drugs) যুৱ প্ৰজন্মৰ মাজত ড্ৰাগছ ব্যৱহাৰকাৰীৰ বৰ্ধিত প্ৰৱণতাৰ বাবে হতাশা ব্যক্ত কৰি কয়," যুৱ প্ৰজন্ম এতিয়া ড্ৰাগছৰ দ্বাৰা সম্পূৰ্ণৰূপে আসক্ত হৈ পৰিছে । অভিভাৱকসকলে আমাক তেওঁলোকৰ সন্তানক সহায় কৰিবলৈ অনুৰোধ কৰিছে । আমি ড্ৰাগৰ অপব্যৱহাৰৰ বিৰুদ্ধে পদক্ষেপ, সজাগতা শিবিৰ গ্ৰহণ কৰিছো ।" অনুষ্ঠানটোত শিক্ষা মন্ত্ৰী ৰতন লাল নাথ, এএমচিৰ মেয়ৰ দীপক মজুমদাৰ উপস্থিত থাকে ।
লগতে পঢ়ক: Cultural programme in Tezpur: তেজপুৰত জনতাৰ শিল্পী দিলীপ চৌধুৰীক স্মৰণ
