নেশ্যনেল ডেস্ক, 24 জুলাই : দ্ৰৌপদী মূৰ্মু 25 জুলাইৰ এই বিশেষ দিনটোত শপত গ্ৰহণ কৰা দেশৰ দশমগৰাকী ৰাষ্ট্ৰপতি হ'ব (Draupodi Murmu new president of India)। তথ্য অনুসৰি, 1977 চনৰ পৰা একেটা তাৰিখতে অৰ্থাৎ 25 জুলাইৰ দিনটোতে ক্ৰমাগত ৰাষ্ট্ৰপতিসকলে শপত গ্ৰহণ কৰি আহিছে(25th July holds special role in Indian history) । ভাৰতৰ প্ৰথম ৰাষ্ট্ৰপতি ৰাজেন্দ্ৰ প্ৰসাদে 1950 চনৰ 26 জানুৱাৰীত শপত গ্ৰহণ কৰিছিল ।
1952 চনত তেওঁ প্ৰথম ৰাষ্ট্ৰপতি নিৰ্বাচনত জয়লাভ কৰিছিল । ৰাজেন্দ্ৰ প্ৰসাদ দ্বিতীয় ৰাষ্ট্ৰপতি নিৰ্বাচনত জয়ী হৈছিল আৰু 1962 চনৰ মে’ মাহলৈকে এই পদত অধিষ্ঠিত হৈ আছিল । তাৰ পাচত সৰ্বেপল্লী ৰাধাকৃষ্ণনে 1962 চনৰ 13 মে’ত ৰাষ্ট্ৰপতি হিচাপে শপত গ্ৰহণ কৰে আৰু 1967 চনৰ 13 মে’লৈকে এই পদত অধিষ্ঠিত হৈ থাকে ।
জাকিৰ হুছেইন আৰু ফখৰুদ্দিন আলী আহমেদ. এই দুয়োগৰাকী ৰাষ্ট্ৰপতিয়ে নিজৰ কাৰ্যকাল সম্পূৰ্ণ কৰিব নোৱাৰিলে ৷ কিয়নো তেওঁলোকৰ কাৰ্যকালৰ আধা সময়চোৱাতে দুয়োৰে মৃত্যু হয় ৷ ভাৰতৰ ষষ্ঠগৰাকী ৰাষ্ট্ৰপতি নীলম সঞ্জীৱ ৰেড্ডীয়ে 1977 চনৰ 25 জুলাইত শপত গ্ৰহণ কৰিছিল ।
তেতিয়াৰে পৰাই গিয়ানি জাইল সিং, আৰ. ভেংকটৰমণ, শংকৰ দয়াল শৰ্মা, কে.আৰ. নাৰায়ণন, এ.পি.জে. আব্দুল কালাম, প্ৰতিভা পাটিল, প্ৰণৱ মুখাৰ্জী আৰু ৰামনাথ কোবিন্দে এই একে তাৰিখতে ৰাষ্ট্ৰপতি হিচাপে শপত গ্ৰহণ কৰি আহিছে । অৰ্থাৎ 25 জুলাই তাৰিখে ৷ শেহতীয়াকৈ এই তালিকাত সংযোজিত হ'ল দ্ৰৌপদী মুৰ্মুৰ নাম ৷
