পঞ্জাৱৰ পৰৱৰ্তী মুখ্যমন্ত্ৰী চৰণজিৎ সিং চন্নী

চৰণজিৎ সিং চন্নী হ'ব পঞ্জাৱৰ পৰৱৰ্তী মুখ্যমন্ত্ৰী ৷ জ্যেষ্ঠ কংগ্ৰেছী নেতা হৰিষ ৰাৱটে টুইটযোগে এই কথা সদৰী কৰিছে ৷ কেপ্টেইন অমৰিন্দৰ সিঙৰ পদত্যাগৰ পাচতে চৰণজিৎ সিং চন্নীক এই দায়িত্বভাৰ অৰ্পন কৰা হৈছে ৷

নেশ্যনেল ডেস্ক , 19 ছেপ্টেম্বৰ : কংগ্ৰেছে ঘোষণা কৰিলে পঞ্জাৱৰ পৰৱৰ্তী মুখ্যমন্ত্ৰীৰ নাম ৷ কেপ্টেইন অমৰিন্দৰ সিঙৰ পদত্যাগৰ পাচতে এতিয়া চৰণজিৎ সিং চন্নী হ'ব পঞ্জাৱৰ পৰৱৰ্তী মুখ্যমন্ত্ৰী ৷ জ্যেষ্ঠ কংগ্ৰেছী নেতা হৰিষ ৰাৱটে টুইটযোগে এই কথা সদৰী কৰে ৷ ৰাৱটে জানিবলৈ দিয়া মতে চৰণজিৎ সিং চন্নীয়ে কংগ্ৰেছ বিধায়িনী দলৰ মুৰব্বীৰ দায়িত্ব গ্ৰহণ কৰিব ৷

উল্লেখ্য যে, পঞ্জাৱ প্ৰদেশ কংগ্ৰেছ কমিটি(Punjab Pradesh Congress Committee)ৰ মুৰব্বী নৱজ্যোৎ সিং সিদ্ধু(Navjot Singh Sidhu)ৰ সৈতে কেইবামাহ ধৰি হোৱা বাক-বিতণ্ডাৰ অন্তত শনিবাৰে কেপ্টেইন অমৰিন্দৰ সিঙে(Captain Amarinder Singh) পঞ্জাৱৰ মুখ্যমন্ত্ৰী পদ ত্যাগ কৰিছিল ৷

লগতে পঢ়ক : মুখ্যমন্ত্ৰীৰ লগতে পঞ্জাৱত দুজনকৈ উপ-মুখ্যমন্ত্ৰী নিযুক্তিৰ সম্ভাৱনা