নেচনেল ডেস্ক,6 মাৰ্চ: সীমান্তত অবৈধভাৱে গৰু সৰবৰাহৰ সৈতে জড়িত থকাৰ অভিযোগত দুজনকৈ আইপিএছ বিষয়াক চমন জাৰি কৰিছে চিবিআই-য়ে ৷ শনিবাৰে সংস্থাৰ বিশেষ সূত্ৰই প্ৰকাশ কৰে এই কথা ৷ তদন্তৰ সৈতে জড়িত চিবিআইৰ এক সূত্ৰই জানিবলৈ দিয়া অনুসৰি, ডিআইজি কল্লোল গণায় আৰু অতিৰিক্ত আৰক্ষী অধীক্ষক অংশুমান সাহা নামৰ আৰক্ষীৰ দুই শীৰ্ষ বিষয়াক 8 মাৰ্চত অৰ্থাৎ সোমবাৰে সোধ-পোছৰ বাবে উপস্থিত থাকিবলৈ নিৰ্দেশ দিছে ৷ তদুপৰি, কল্লোল গণায় মুৰ্চিদাবাদ ৰেঞ্জৰ ডিআইজি হিচাপে কৰ্মৰত হৈ থকাৰ লগতে অংশুমান সাহা মুৰ্চিদাবাদ জিলাৰ অতিৰিক্ত আৰক্ষী অধীক্ষক হিচাপে কৰ্মৰত বুলিও জানিবলৈ দিয়ে সূত্ৰটোৱে ৷
উল্লেখ্য যে, চিবিআইয়ে বিগত বছৰৰ ২১ ছেপ্তেম্বৰত সীমান্ত নিৰাপত্তাৰক্ষী আৰু শুল্ক বিষয়াকে ধৰি চাৰিজনকৈ লোকৰ বিৰুদ্ধে গৰুৰ চোৰাং সৰবৰাহৰ সৈতে জড়িত থকাৰ অভিযোগত গোচৰ ৰুজু কৰিছিল ৷ অভিযোগ অনুসৰি তেওঁলোকক আন্তঃৰাষ্ট্ৰীয় গৰু সৰবৰাহকাৰীয়ে মোটা অংকৰ ধন ঘোচ দিছিল ৷
লগতে পঢ়কঃ ছোনিয়া গান্ধীলৈ পদত্যাগ পত্ৰ প্ৰেৰণ সুস্মিতা দেৱৰ
