নেশ্যনেল ডেস্ক, 21 আগষ্ট: গুজৰাট উচ্চ ন্যায়ালয়ক কঠোৰ ভাষাৰে সমালোচনা শীৰ্ষ আদালতৰ ৷ ধৰ্ষিতা এগৰাকী নাৰীৰ গৰ্ভপাতৰ ক্ষেত্ৰত সোমবাৰে উচ্চতম ন্যায়ালয়ে গুজৰাট উচ্চ ন্যায়ালয়ে উচ্চ ন্যায়ালয়ৰ ৰায়দানৰ বিৰুদ্ধে আদেশ দিয়া বুলি সমালোচনা কৰি এয়া সাংবিধানিক দৰ্শনৰ বিৰুদ্ধে বুলি অভিহিত কৰে ৷ ন্যায়াধীশ বি ভি নাগাৰাথ্না আৰু ন্যায়াধীশ উজ্জ্বল ভূঞাৰে গঠিত বিচাৰপীঠে কয় যে উচ্চ ন্যায়ালয়ৰ এই নিৰ্দেশনাক ভালপোৱা নাই উচ্চতম ন্যায়ালয়ে । বিচাৰপীঠে কয়, ‘গুজৰাটৰ উচ্চ ন্যায়ালয়ত কি হৈছে? উচ্চ ন্যায়ালয়ৰ নিৰ্দেশক ন্যায়াধীশসকলে এনেদৰে পালন নেকি ?”
-
'Can't pass order against Supreme Court...', Supreme Court criticises Gujarat HC on plea of rape survivor seek termination of pregnancy https://t.co/WqVKUT6Jhs
— ETV Bharat (@ETVBharatEng) August 21, 2023 " class="align-text-top noRightClick twitterSection" data="
">'Can't pass order against Supreme Court...', Supreme Court criticises Gujarat HC on plea of rape survivor seek termination of pregnancy https://t.co/WqVKUT6Jhs
— ETV Bharat (@ETVBharatEng) August 21, 2023'Can't pass order against Supreme Court...', Supreme Court criticises Gujarat HC on plea of rape survivor seek termination of pregnancy https://t.co/WqVKUT6Jhs
— ETV Bharat (@ETVBharatEng) August 21, 2023
ধৰ্ষণৰ বলি হোৱা মহিলাগৰাকীক উচ্চ ন্যায়ালয়ে সকাহ দিবলৈ অস্বীকাৰ কৰিছিল যদিও উচ্চতম ন্যায়ালয়ে তেওঁৰ গৰ্ভাৱস্থা বন্ধ কৰাৰ অনুমতি দিছিল । শীৰ্ষ আদালতে কয় যে কোনো আদালতৰ কোনো ন্যায়াধীশে তেওঁলোকৰ নিৰ্দেশক ন্যায্যতা প্ৰদান কৰাৰ প্ৰয়োজন নাই ৷ লগতে গুজৰাট উচ্চতম ন্যায়ালয়ৰ আদেশক সমালোচনা কৰি ধৰ্ষিতা এগৰাকী মহিলাৰ ওপৰত অন্যায়ভাৱে চৰ্ত জাপি দি সন্তান জন্ম দিবলৈ বাধ্য কৰোৱাৰ ঘটনাক “সংবিধান বিৰোধী” বুলি আখ্যা দিয়ে ৷
গুজৰাট চৰকাৰক প্ৰতিনিধিত্ব কৰা ছলিচিটৰ জেনেৰেল তুষাৰ মেহতাই উচ্চতম ন্যায়ালয়ৰ ন্যায়াধীশগৰাকীক মন্তব্য দিয়াৰ পৰা বিৰত থাকিবলৈ আদালতক আহ্বান জনাইছে ৷ লগতে কিছু ভুল বুজাবুজি আছে বুলিও কয় । উচ্চ ন্যায়ালয়ৰ নিৰ্দেশনাক কেনেকৈ আওকাণ কৰিব পাৰে বুলি উচ্চ ন্যায়ালয়ে কয় আৰু কয় যে, “কোনো ন্যায়াধীশে উচ্চতম ন্যায়ালয়ৰ নিৰ্দেশক আওকাণ কেনেকৈ কৰিব পাৰে ”? লগতে এনে আদেশ জাৰি কৰাৰ প্ৰয়োজনীয়তা কি বুলিও প্ৰশ্ন উত্থাপন কৰে ?
উচ্চ ন্যায়ালয়ৰ উক্ত ন্যায়াধীশগৰাকীৰ বিৰুদ্ধে কোনো বিৰূপ মন্তব্য নকৰিবলৈ বিচাৰপীঠখনক অনুৰোধ জনায় মেহতাই কয় যে এনে মন্তব্যই নিৰুৎসাহিত কৰিব পাৰে । শীৰ্ষ আদায়তৰ ন্যায়াধীশগৰাকীয়ে এই মন্তব্য কোনো ব্যক্তি বিশেষৰ প্ৰতি নহয় বুলি স্পষ্ট কৰি দিয়ে ৷ ধৰ্ষণৰ বলি হোৱা মহিলাগৰাকীৰ আবেদনৰ সিদ্ধান্ত লোৱাত উচ্চ ন্যায়ালয়ে পলম কৰাক সমালোচনা কৰি উচ্চতম ন্যায়ালয়ে “মূল্যবান সময়” নষ্ট কৰিছে বুলি কয় ৷
19 আগষ্টত উচ্চতম ন্যায়ালয়ে গুজৰাট উচ্চ ন্যায়ালয়ক গৰ্ভধাৰণ বন্ধ কৰাৰ গোচৰ প্ৰায় দুসপ্তাহৰ বাবে স্থগিত ৰখাৰ ক্ষেত্ৰত কয় যে এনে বিষয়ত কিছু জৰুৰী ভাৱ থকাটো জৰুৰী ৷ শীর্ষ আদালতে আৱেদনকাৰীক পুনৰ এবাৰ পৰীক্ষা কৰাৰ পাচত মেডিকেল ব’র্ডে মেডিকেল ৰিপ’র্ট দাখিল কৰিব লাগে বুলি নির্দেশ দিয়ে ৷ বিচাৰপীঠে কয় যে কাইলৈ সন্ধিয়াৰ ভিতৰত শেহতীয়া প্ৰতিবেদন আদালতত দাখিল কৰিব লাগিব ।
"আমি আবেদনকাৰীক পুনৰবাৰ পৰীক্ষাৰ বাবে কেএমচিআৰআইৰ সন্মুখত হাজিৰ হ'বলৈ নিৰ্দেশ দিছো আৰু কাইলৈ সন্ধিয়া 6 বজাৰ ভিতৰত এই আদালতত শেহতীয়া অৱস্থাৰ প্ৰতিবেদন দাখিল কৰিব পাৰিব । একেখিনি কথা সোমবাৰে এই আদালতৰ সন্মুখত দাখিল কৰা হ'ব ”, শীৰ্ষ আদালতে কয় ।
আবেদনকাৰীয়ে ধৰ্ষণৰ অভিযোগ উত্থাপন কৰিছে । গোচৰটোৰ সৈতে পৰিচিত এগৰাকী অধিবক্তাৰ মতে, আবেদনকাৰীগৰাকী এজন পুৰুষৰ সৈতে সম্পৰ্কত আছিল আৰু পিছত তেওঁ গম পায় যে তেওঁ ইতিমধ্যে বিবাহিত । সেয়েহে যুৱতীগৰাকীয়ে আদালতৰ দ্বাৰস্থ হৈছে । আবেদনকাৰীৰ অধিবক্তাই দাবী কৰিছিল যে গোচৰীয়াই অতি সোনকালে তেওঁৰ গৰ্ভাৱস্থাৰ 26 সপ্তাহৰ কাষ চাপিব । উচ্চতম ন্যায়ালয়ে ধৰ্ষণৰ বলি হোৱা যুৱতীৰ গৰ্ভাৱস্থা বন্ধ কৰাৰ আবেদনৰ অনুমতি দিয়ে ।
শীৰ্ষ আদালতে কয় যে গ্ৰহণ কৰিবলগীয়া চিকিৎসা পদ্ধতিৰ পিছত যদি ভ্ৰুণটো জীয়াই থকা দেখা যায় তেন্তে চিকিৎসালয়খনে ভ্ৰুণটো জীয়াই থকাটো নিশ্চিত কৰিবলৈ ইনকিউবেচনকে ধৰি সকলো সুবিধা দিব লাগিব । আইন অনুসৰি শিশুটিক তুলি লোৱাৰ বাবে ৰাজ্য চৰকাৰে পদক্ষেপ গ্ৰহণ কৰিব বুলি বিচাৰপীঠে কয় ।
লগতে পঢ়ক: Logo of opposition INDIA : মুম্বাই বৈঠকত মুকলি হোৱাৰ সম্ভাৱনা বিৰোধী মিত্ৰজোঁট I.N.D.I.A.ৰ ল’গ’
