নিউজ ডেস্ক, 11 জুন: দেশজুৰি খলকনি লগাই থকা মহিলা মল্লযুঁজাৰুসকলে যৌন নিৰ্যাতনৰ অভিযোগ উত্থাপন কৰা অভিযুক্ত ব্ৰীজভূষণ চৰণ সিঙে দেওবাৰে উত্তৰ প্ৰদেশৰ গোণ্ডাত এক জনসভা সম্বোধন কৰে ৷ জনসভা সম্বোধন কৰাৰ সময়ত বিজেপিৰ সাসংদজনে তেওঁৰ ভৱিষ্যত পৰিকল্পনাৰ প্ৰকাশ কৰাৰ লগতে প্ৰতিবাদকাৰী মল্লযুঁজাৰুসকলক আক্ৰমণৰ কৰাৰ লক্ষ্যৰে কাব্যিক হৈ পৰিছিল ৷
সিঙে জনসাধাৰণক উদ্দেশ্যি ভাষণত কয় যে তেওঁ উত্তৰ প্ৰদেশৰ কাইজাৰগঞ্জ সমষ্টিৰ পৰা 2024 চনৰ লোকসভা নিৰ্বাচনত প্ৰতিদ্বন্দিতা কৰিব ৷ মহিলা মল্লযুঁজাৰুসকলে তেওঁৰ বিৰুদ্ধে যৌন নিৰ্যাতনৰ অভিযোগ উত্থাপন কৰাৰ পিচত তেওঁৰ এয়া প্ৰথম জনসভা ৷
2024 চনৰ নিৰ্বাচনৰ বাবে বিজেপিৰ 'মহাসম্পৰ্ক অভিযান'ৰ অংশ হিচাপে আৰু মোদী চৰকাৰৰ 9 বৰ্ষপুতিৰ উপলক্ষে বছৰ উপলক্ষে এই সমদলটো আয়োজন কৰা হৈছিল ৷ সিঙে প্ৰত্যক্ষভাৱে মল্লযুঁজাৰুসকলৰ প্ৰতিবাদৰ সন্দৰ্ভত কোনো প্ৰতিক্ৰিয়া প্ৰকাশ কৰা নাছিল ৷
"ইয়ে মিলা মুঝকো মোহব্বত কা চিলা, বেৱাফা কেহকে মেৰা নাম লিয়া জাতা হে, ইস্কো ৰুচৱাই কহেন কি ছোহৰাত অপনী , দাবে হোঁঠো চে মেৰা নাম লিয়া জাতা হে " বিতৰ্কিত ৰাজনীতিবিদজনে এটা উৰ্দু শ্বায়েৰীৰে ভাষণ আৰম্ভ কৰে ৷
বিজেপিৰ সাংসদগৰাকীয়ে কংগ্ৰেছক তীব্ৰ সমালোচনা কৰি কয় যে, কংগ্ৰেছৰ শাসনকালত ভাৰতীয় ভূখণ্ড দখল কৰিছিল ৷ তেতিয়া প্ৰধানমন্ত্ৰীৰ শাসন চলা হ’লে তেওঁ সকলো দখলদাৰী ভূমি ঘূৰাই ল’লেহেতেন ৷ লগতে সাংসদ সিঙে প্ৰধানমন্ত্ৰী মোদীয়ে অযোধ্যাৰ ৰাম মন্দিৰৰ নিৰ্মাণৰ লগতে ৩৭০ অনুচ্ছেদ বাতিলৰ কথা উল্লেখ কৰি মোদীৰ প্ৰশংসাত পঞ্চমুখ হৈ পৰে ৷ ইয়াৰ পূৰ্বে, বিজেপিৰ সাংসদগৰাকীয়ে অযোধ্যাত জনসভা স্থগিত ৰাখিছিল ৷ 5 জুনত হ’বলগীয়া আছিল এই ৰেলী ৷
উল্লেখ্য যে, ব্ৰীজভূষণ চৰণ সিঙৰ বিৰুদ্ধে যৌন নিৰ্যাতনৰ অভিযোগ কৰা সাতগৰাকী মল্লযুঁজাৰুৰ ভিতৰত এগৰাকী নাবালিকাও আছিল ৷ অৱশ্যে শেহতীয়াকৈ নাবালিকাগৰাকীৰ পৰিয়ালে নিজৰ ভাষ্য উঠাই লয় ৷ নাবালিকা খেলুৱৈগৰাকীৰ পৰিয়ালৰ লোকে এই অভিযোগ ভুৱা বুলি কৈ এজাহাৰ উঠাই লয় ৷
লগতে পঢ়ক: Varanasi G20 summit : বাৰাণসীত উপস্থিত বৈদেশিক পৰিক্ৰমা মন্ত্ৰী জয়শংকৰ
