নিউজ ডেস্ক, ১৪ জুন : কোভিড-১৯ য়ে সমগ্ৰ বিশ্বত সন্ত্ৰাস চলাই থকাৰ সময়তে বৰ্তমানে দেশৰ চিকিৎসালয় সমূহত ৰোগীৰ বাবে ৰক্তৰ অভাৱে দেখা দিছে । প্ৰতিবছৰে বিশুদ্ধ ৰক্ত সংগ্ৰহ কৰাৰ লক্ষ্যৰে ১৪ জুন তাৰিখে সমগ্ৰ বিশ্বত বিশ্ব ৰক্ত দিৱস হিচাপে উদযাপন কৰা হয় । নোবেল পুৰস্কাৰ প্ৰাপ্ত ব্লাড গ্ৰুপৰ ষ্টিমেৰৰ জন্মদাতা কাৰ্ল ল্যাডষ্টেইনেৰ জন্মদিনৰ দিনা বিশ্ব ৰক্ত দিৱস পালন কৰা হয় ।
ৰক্ত দিৱসৰ দিনা কেন্দ্ৰীয় স্বাস্থমন্ত্ৰী হৰ্ষ বৰ্ধনে দেশৰ সকলো অনুষ্ঠান-প্ৰতিষ্ঠানক ৰক্ত দান কৰিবলৈ আহ্বান জনাইছে ।
তথ্য অনুসৰি, ভাৰতত ৰক্তৰ প্ৰয়োজন সৰ্বাধিক । ভাৰতবৰ্ষৰ প্ৰতিখন ৰাজ্য মিলি বছৰত ৪১ মিলিয়ন ৰক্তহে সংগ্ৰহ কৰিবলৈ সক্ষম হয় ।
আই চি এম আৰৰ এক তথ্য অনুসৰি, ভাৰতৰ ৰোগী সকলৰ বাবে বছৰত বৃহৎ পৰিমানৰ ৰক্তৰ প্ৰয়োজন । কিন্তু সম্পূৰ্ণ ৰক্ত যোগান ধৰিবলৈ ভাৰত বৰ্তমানেও সক্ষম হোৱা নাই ।
লগতে পঢ়ক : ইৰাকত মাৰ্কিন সামৰিক ঘাটিত আক্ৰমণ
