জেনেভা, 6 মাৰ্চঃ কৰ'না ভাইৰাছৰ পৰা বাচি থাকিবলৈ আগতীয়া সতৰ্কতামূলক ব্যৱস্থা হিচাপে বৃহস্পতিবাৰে বিশ্ব স্বাস্থ্য সংস্থাই চ'ছিয়েল মিডিয়া যোগে এক নতুন সজাগতাৰ ব্যৱস্থা গ্ৰহণ কৰিছে ৷ যাতে বিশ্বৰ লোকসকল মাৰাত্মক কৰ'না ভাইৰাছৰ পৰা আতৰত থাকিব পাৰে আৰু ইয়াৰ বিষয়ে আগতীয়াকৈ সাৱধানতা অৱলম্বন কৰিব পাৰে ৷
বিশ্ব স্বাস্থ্য সংস্থাৰ সঞ্চালক টেড্ৰছ আদনম গেব্ৰীছাছে কয় যে, আমি জানো যে, বিশ্বৰ সকলো লোক কৰ'না ভাইৰাছক লৈ শংকিত আৰু তেওঁলোকক আমি এই সম্পৰ্কত প্ৰতিদিনেই সঠিক তথ্য প্ৰদান কৰিব লাগিব ৷ তেওঁলোক যাতে শংকিত নহয় ৷ সেইবাবে বিশ্ব স্বাস্থ্য সংস্থাৰ উদ্যোগত সকলো লোককে কৰ'না ভাইৰাছ সম্পৰ্কত তথ্যৰ আদান প্ৰদান কৰিবলৈ এই ব্যৱস্থা গ্ৰহণ কৰা হৈছে ৷ যদি বিতত হৈছে, আপোনাৰ আশে পাশে যদি কোনো জৰুৰীকালীন পৰিস্থিতিৰ সৃষ্টি হৈছে তেনেহ'লে আপুনি কি কৰিব প্ৰথমে ? কেনেকৈ সহায় কৰিব এনেধৰণৰ পৰিস্থিতিৰ সৃষ্টি হ'লে সকলো খিনি বিশ্ব স্বাস্থ্য সংস্থাৰ চ'ছিয়েল মিডিয়া কোষৰ জৰীয়তে পৰামৰ্শ প্ৰদান কৰা হ'ব ৷ কৰ'না ভাইৰাছ সম্পৰ্কত আমি বহুত বেছি কথা নাজানো যদিও প্ৰতিদিনে আমি বহু কথা শিকিব পাৰিছো আৰি আমি চৌব্বিশ ঘন্টাই চেষ্টা কৰিছো এই সম্পৰ্কত তথ্য আহৰণ কৰিবলৈ ৷ সঞ্চালক টেড্ৰছে কয় যে, এই ভাইৰাছ বিধ কিমান মাৰাত্মক সেয়া ডাঙৰ কথা নহয়, আমি তাক কিমান গুৰুত্ব সহকাৰে লৈছো সেইটোহে গুৰুত্বপূৰ্ণ কথা ৷ এই মূহুৰ্তত বিশ্বজুৰি ত্ৰাসৰ সৃষ্টি কৰা কৰ'না ভাইৰাছক প্ৰতিহত কৰি বিশ্ব সম্প্ৰদায়ক ইয়াৰ পৰা ৰক্ষা কৰিবলৈ কি কি ব্যৱস্থা গ্ৰহণ কৰাটো প্ৰয়োজন সেয়া গুৰুত্বপূৰ্ণ হৈ পৰিছে ৷
কৰ'না ভাইৰাছৰ পৰা মুক্ত হোৱাৰ ক্ষেত্ৰত আমি সকলোৱে এই ক্ষেত্ৰত দায়বদ্ধ হ'ব লাগিব আৰু প্ৰত্যাহ্বান গ্ৰহণ কৰিব লাগিব যদিও আমি আক্ৰান্ত হও ইয়াৰ দ্বাৰা ৷ আমি সকলো সচেতন আৰু দায়িত্বশীল হ'ব লাগিব যাতে আক্ৰান্ত ব্যক্তিৰ পৰা আন এজনলৈ যাতে এই ভাইৰাছ বিয়পিব নোৱাৰে ৷ এইদৰে কয় বিশ্ব স্বাস্থ্য সংস্থাৰ অধ্যক্ষ টেড্ৰছ আদনম গেব্ৰীছাছে ৷
লগতে চাওকঃ
