পশ্চিমবংগত ঘৰৰ চৌহত অন্তিম সৎকাৰ কৰ'ণা আক্ৰান্ত ব্যক্তিৰ

পশ্চিমবংগৰ পূৰ্ব মেদিনীপুৰত মহামাৰী কৰ'ণা আক্ৰান্ত হৈ মৃ্ত্যু হোৱা ব্যক্তিক ঘৰৰ চৌহতে অন্তিম সৎকাৰ কৰিলে পৰিয়ালৰ লোকে । ১২ ঘণ্টা ধৰি প্ৰশাসনৰ লোকক অপেক্ষা কৰাৰ অন্তত ঘৰৰ চৌহদতে অন্তিম সৎকাৰ কৰে পৰিয়ালে ।

নিউজ ডেস্ক, ২৭ জুলাইঃ মহামাৰী COVID-19 ত আক্ৰান্ত হৈ মৃত্যু হোৱা ৰোগীৰ ঘৰৰ চৌহদতে অন্তিম সৎকাৰ কৰিলে আত্মীয়ই । বৃহস্পতিবাৰে পশ্চিম বংগৰ পূৰ্ব মেদিনীপুৰ জিলাত সংঘটি হৈছে এই ঘটনা । প্ৰশাসনৰ লোকক ১২ ঘণ্টা ধৰি অপেক্ষাৰ কৰাৰ পাচতো প্ৰশাসনৰ লোক উপস্থিত নোহোৱাত বৃহস্পতিবাৰে নিশা ঘৰৰ চৌহদে অন্তিম সৎকাৰ কৰিবলৈ বাধ্য হয় ভুক্তভোগী পৰিয়ালে ।

খবৰ অনুসৰি,কলকাতাৰ পৰা প্ৰায় ৮০ কিলোমিটাৰ দূৰত্বত থকা কোলাঘাটৰ বাসিন্দা ৭০ বছৰীয়া এজন ব্যক্তি বিগত ১৯ জুলাই শাৰীৰিকভাৱে অসুস্থ হৈ পৰে । বৰ্ষীয়ান ব্যক্তি গৰাকী অসুস্থ হৈ পৰাৰ পাচতে পাচদিনাই ব্যক্তি গৰাকীৰ কৰ'ণা টেষ্ট কৰা হয় যদিও বৃহস্পতিবাৰে ব্য়ক্তি গৰাকীৰ দেহত কৰ'ণাৰ উপস্থিতি লাভ কৰে বুলি পৰিয়ালৰ লোকক অৱগত কৰে । লগতে বৰ্ষীয়ান ব্যক্তি গৰাকীক হাস্পতাললৈ লৈ যোৱাৰ বাবে এম্বুলেঞ্চ প্ৰেৰণ কৰা বুলিও সদৰি কৰে । কিন্তু বৃহস্পতিবাৰে ব্যক্তি গৰাকীৰ শাৰীৰিক অৱস্থা ক্ৰমাৎ বেয়াৰ ফালে ঢাল খাই আৰু স্বাস্থ্য বিভাগে প্ৰেৰণ কৰা এম্বুলেঞ্চ আহি পোৱাৰ আগতে মৃত্যু হয় ।

আনহাতে,এম্বুলেঞ্চখনে মৃতদেহ নকঢ়িয়াই বুলি উল্লেখ কৰাৰ লগতে আৰক্ষীয়ে সেই বিষয় সন্দৰ্ভত চোৱাচিতা কৰিব বুলি মত প্ৰকাশ কৰে । মৃত ব্যক্তিজনৰ পৰিয়ালৰ লোকে কেবাঘণ্টা ধৰি প্ৰশাসনৰ লোকৰ বাবে অপেক্ষা কৰাৰ অন্তত দুগৰাকীমান প্ৰশাসনৰ লোক উপস্থিত হৈ মাত্ৰ দুটা পিপিই কীট দি দুজন পুত্ৰক অন্তিম সৎকাৰ কৰিবলৈ নিৰ্দেশ দিয়ে ।

লগতে চাওকঃ নামেৰীত চোৰাং কাঠৰ কুণ্ডাসহ গ্ৰেপ্তাৰ দুই সৰবৰাহকাৰী