নিউজ ডেস্ক, 24 ফেব্ৰুৱাৰী : ভাৰতীয় বায়ুসেনাৰ প্ৰশিক্ষণৰ বাবে ব্যৱহাৰ কৰা এখন বিমান দুৰ্ঘটনাত পতিত হয় ৷ সোমবাৰে পঞ্জাৱৰ পাটিয়ালা চহৰত এনচিচি কেডেটৰ প্ৰশিক্ষণৰ বাবে ব্যৱহৃত হোৱা এখন বিমান ভূপতিত হোৱাৰ ফলতে সংঘটিত হয় দুৰ্ঘটনাটো ৷ দুৰ্ঘটনাটোত ভাৰতীয় বায়ুসেনাৰ এগৰাকী বৈমানিক শ্বহীদ হোৱাৰ লগতে এগৰাকী এনচিচি কেডেট গুৰুতৰভাৱে আঘাতপ্ৰাপ্ত হয় ৷
ভাৰতীয় বায়ুসেনাৰ সূত্ৰই প্ৰকাশ কৰা অনুসৰি, নিহত ভাৰতীয় বায়ুসেনাৰ বিষয়াগৰাকী উইং কামাণ্ডাৰ জিএছ সীমা বুলি জানিব পৰা গৈছে ৷ আনহাতে আঘাতপ্ৰাপ্ত এনচিচি কেডেটগৰাকী বিপিন কুমাৰ যাদৱ বুলি জানিব পৰা গৈছে ৷ ঘটনা সন্দৰ্ভত ভাৰতীয় বায়ুসেনাই এক উচ্চ পৰ্যায়ৰ তদন্ত ঘোষণা কৰিছে ৷ আনহাতে বায়ুসেনা বিষয়াগৰাকীৰ মৃত্যুত শোকপ্ৰকাশ কৰিছে পঞ্জাৱৰ মুখ্যমন্ত্ৰীয়ে ৷
