ডেৰাডুন, ১৩ জুন : ভাৰত-চীন সীমান্তত নিয়ন্ত্ৰণত আছে পৰিস্থিতি । এই সন্দৰ্ভত অনুষ্ঠিত হৈছে কেইবাখনো বৈঠক । শনিবাৰে সেনা জেনেৰেল প্ৰধান এমএম নৰভানে প্ৰকাশ কৰে এই কথা ।
এমএম নৰভানে আলোচনা মাধ্যমেৰে শীঘ্ৰে এই সমস্যা সমাধান কৰিব পৰা যাব বুলি আশা ব্যক্ত কৰে । তেঁও এই বিষয়ত শুকুৰবাৰে ভাৰতীয় আৰু চীনা সেনাবাহিনীৰ শীৰ্ষ নেতৃত্বৰ মাজত বৈঠক অনুষ্ঠিত হোৱাৰ কথা উল্লেখ কৰে ।
উল্লেখ্য যে, বিগত সময়ত লাডাখ সীমান্তত ভাৰত আৰু চীনৰ সেনাবাহিনীৰ মাজত চৰম সংঘাতময় পৰিস্থিতিৰ সৃষ্টি হৈছিল । দুই দেশৰ সৈনিকৰ মাজত হতাহতি, শিলাবৰ্ষণ পৰ্যন্ত হৈছিল । অধিক শোচনীয় পৰিস্থিতিৰ বাবেও সাজু হৈছিল দুয়োখন দেশ ।
