নিউজ ডেস্ক, ১৪ অক্টোবৰ : বুধবাৰে সেনাৰে হোৱা সংঘৰ্ষত দুটা অচিনাক্ত সন্ত্ৰাসবাদী নিহত হয় । জম্মু কাশ্মীৰৰ চোপিয়ান জিলাত সন্ত্ৰাসবাদী দুটা নিহত হোৱাৰ কথা জনাইছে আৰক্ষীয়ে ।
জিলাখনৰ চাকুৰাত সন্ত্ৰাসবাদীৰ অৱস্থিতিৰ বিষয়ে জানিব পাৰি সেনাই অঞ্চলটো ঘেৰি লৈ তালাচী চলায় । তালাচী অভিযানৰ সময়তে সেনাৰ দললৈ বুলি গুলি চালনা কৰে সন্দেহজনক সন্ত্ৰাসবাদীৰ দলটোৱে । প্ৰত্যুত্তৰত সেনায়ো গুলি চালনা কৰাত দুটাকৈ সন্ত্ৰাসবাদী নিহত হয় ।
সেনাৰ গুলিত নিহত হোৱা সন্ত্ৰাসবাদী দুটাৰ পৰিচয় এতিয়াও জানিব পৰা যোৱা নাই । আৰক্ষীয়ে ইতিমধ্যে দুয়োটা সন্ত্ৰাসবাদীৰ পৰিচয় বিচাৰি তদন্ত অব্যাহত ৰাখিছে ।
লগতে পঢ়ক:শীৰ্ষ আৰক্ষী বিষয়াই ধৰ্ষণ কৰিলে প্ৰশিক্ষণৰত মহিলা আৰক্ষীক !
