নিউজ ডেস্ক, ৭ জুলাই : উচ্চতম ন্যায়ালয়ে মংগলবাৰে য়ুনিটেক লিমিটেডৰ প্ৰমোটৰ সঞ্জয় চন্দ্ৰক ১ মাহৰ বাবে জামিনত মুকলি কৰাৰ নিৰ্দেশ প্ৰদান কৰে । কাৰণ তেওঁৰ পিতৃ-মাতৃক শাৰীৰিক অসুস্থতাৰ বাবে চিকিৎসালয়ত ভৰ্তি কৰোৱা হয় । ন্যায়ধীশ ডী বাই চন্দ্ৰচুঢ় আৰু এম আৰ ছাহৰ বিচাৰপীঠত এমাহৰ বাবে জামিনত মুকলি কৰাৰ নিৰ্দেশ প্ৰদান কৰে ।
উচ্চতম ন্যায়ালয়ক অৱগত কৰা হৈছিল যে, তেওঁৰ ৭৮ বছৰীয়া পিতৃ কোভিড-১৯ ত আক্ৰান্ত হৈ ICU ত চিকিৎসাধীন হৈ আছে ।
২০২০ চনৰ ২০ জানুৱাৰীত য়ুনিটেক লিমিটেডে ১২ হাজাৰতকৈ অধিক ঘৰ ক্ৰয় কৰাৰ অনুমতি প্ৰদান কৰাৰ লগতে শীৰ্ষ আদালতে কেন্দ্ৰক ৰয়েল্টি ফ্ৰ'মৰ নিয়ন্ত্ৰণৰ বাবে এখন বৰ্ড গঠন কৰাৰ অনুমতি প্ৰদান কৰিছিল । গঠন কৰা বৰ্ডখনৰ অধ্যক্ষ হিচাপে শীৰ্ষ আদালতে হাৰিয়ানাৰ অৱসৰপ্ৰাপ্ত কেডাৰ আইএএছ বিষয়া যুদবীৰ সিং মলিকক নিযুক্তি প্ৰদান কৰিছিল ।
চলিত বৰ্ষৰ জানুৱাৰীত শীৰ্ষ আদালতে সঞ্জয় আৰু তেওঁৰ ভাতৃ অজয় চন্দ্ৰক ঘৰ বিক্ৰীৰ অৰ্থ হৰলুকি কৰাৰ বাবে জামিন নাকচ কৰিছিল ।
জানিব পৰা মতে, এই গোচৰটো ২০১৫ বৰ্ষতে পঞ্জীয়ন কৰা হৈছিল য'ত য়ুনিটেকৰ Wild Flower Country' and 'Anthea Project ৰ ১৭৩ জন ঘৰ ক্ৰেতাই ব্যক্তিজনৰ বিৰুদ্ধে গোচৰ ৰুজু কৰিছিল । উক্ত গোচৰৰ ভিত্তিতে দিল্লীৰ আৰ্থিক অপৰাধ শাখাই সঞ্জয় চন্দ্ৰক ২০১৭ চনৰ ১ এপ্ৰিল তাৰিখে গ্ৰেপ্তাৰ কৰি তিহাৰ জেলত বন্দী কৰি ৰাখিছিল ।
