নিউজ ডেস্ক, ১৯জুলাই: বিজেপি নেতা গোলাব চন্দ কাটাৰীয়াই অশোক গেহল'টলৈ অভিযোগ তুলি সাংবাদিকক কলে, মুখ্যমন্ত্ৰী গৰাকীয়ে চৰকাৰী সংস্থাসমূহক অপব্যৱহাৰ কৰি সেই সংস্থাসমূহৰ দ্বাৰা বিধায়ক সকলক ধমকিৰে ভীতি প্ৰদৰ্শন কৰিবলৈ চেষ্টা কৰি আছে । বিৰোধী নেতাগৰাকীৰ মতে এই সমস্ত ঘটনাৰ চিবিআইৰ দ্বাৰা এক তদন্ত হোৱা উচিত।
তেওঁ এই বুলিও উল্লেখ কৰিলে, যদি ক্ষমতাত থকা কংগ্ৰেছৰ সংখ্যা গৰিষ্ঠতা আছেই তেনেহ'লে বিধায়ক সকলক একেখন হোটেলতে কিয় আৱদ্ধ কৰি ৰাখিব লগা হৈছে । কাটাৰীয়াৰ মতে চৰকাৰ গঠন হোৱাৰ পিছৰে পৰাই মুখ্যমন্ত্ৰী আৰু শচীন পাইলটৰ মাজত যুদ্ধ আৰম্ভ হৈছিল ।
যি ধৰনে মিছা অভিযোগেৰে বিজেপিৰ ওপৰত কংগ্ৰেছে দোষ জাপি দিছে সেয়া ভিত্তিহীন । আমি চৰকাৰ ভঙাৰ বাবে চেষ্টা কৰা বুলি তুলা কংগ্ৰেছৰ অভিযোগ কোনো পধ্যেই সত্য নহয় । 'যিধৰনে ৰাজ্যত কংগ্ৰেছ শাসিত চৰকাৰখনৰ অস্তিত্বক লৈ প্ৰশ্ন উঠিছে, সেয়া দুটা অডিঅ' টেপক লৈ সকলোৰে মনোযোগ আঁতৰোৱাৰ এক কৌশল যেনহে অনুমান হৈছে । প্ৰকৃততে সেয়া গেহল'ট আৰু শচীন পাইলটৰ মাজৰ এখন যুদ্ধহে' এইদৰে কলে বিজেপি নেতা গোলাব চন্দ কাটাৰীয়াই ।
উল্লেখ্য যে, ৰাজস্থান আৰক্ষীৰ দূৰ্নীতি নিবাৰক শাখাই শচীন পাইলটৰ নেতৃত্বত বিসম্বাদ কৰা বিধায়কৰ বাৰ্তালাপৰ টেপিঙৰ সন্দৰ্ভত ইতিমধ্যে এটা গোচৰ ৰুজু কৰিছে চলাই আছে তদন্ত ।
