নেশ্যনেল ডেস্ক, 31 আগষ্ট: কংগ্ৰেছ নেতা ৰাহুল গান্ধীয় দেওবাৰে মাহিলী অনাতাঁৰ অনুষ্ঠান "মন কী বাত"ত প্ৰধানমন্ত্ৰী নৰেন্দ্ৰ মোডীয়ে NEET আৰু JEE পৰীক্ষাৰ বিষয়ে কোনো কথা উল্লেখ নকৰাৰ বাবে প্ৰধানমন্ত্ৰী গৰাকীক কটাক্ষ কৰে ৷ মোডীয়ে NEET আৰু JEE পৰীক্ষাৰ পৰিৱৰ্তে "খিলোনে পে চৰ্চা"হে অনুষ্ঠিত কৰে ৷
"NEET-JEE পৰীক্ষাত অৱতীৰ্ণ হ'বলগীয়া শিক্ষাৰ্থীসকলে বিচাৰে যে, প্ৰধানমন্ত্ৰীয়ে 'পৰীক্ষা পে চৰ্চা' কৰক ৷ কিন্তু প্ৰধানমন্ত্ৰীয়ে 'খিলোনে পে চৰ্চা'হে কৰিলে ৷" এনেদৰে টুইটযোগে নিজৰ মন্তব্য প্ৰকাশ কৰিলে কংগ্ৰেছ নেতা গৰাকীয়ে ৷
তেওঁৰ এই কটাক্ষ কৰে মোডীৰ মাহিলী অনাতাঁৰ অনুষ্ঠান "মন কী বাত"ৰ পাচত ৷ য'ত প্ৰধানমন্ত্ৰী গৰাকীয়ে কৈছিল যে, বিশ্ব খেলনা উদ্যোগটো 7 লাখ কোটি টকাৰ, কিন্তু এই ক্ষেত্ৰত ভাৰতৰ অংশিদাৰিত্ব একেবাৰে কম ৷ ইয়াৰোপৰি তেওঁ "ভকেল ফৰ লোকেল টয়জ" বুলি উল্লেখ কৰি ভাৰতত খেলনা প্ৰস্তুতৰ উদ্যোগ গঢ়ি তোলাৰ প্ৰয়োজন আছে বুলিও মন্তব্য কৰে ৷
আনহাতে দেশত কৰ'ণা মহামাৰীৰ ক্ৰমবৰ্ধমান হাৰৰ কথা উল্লেখ কৰি কংগ্ৰেছৰ ৰাষ্ট্ৰীয় মুখপাত্ৰ ৰণদীপ সিং সুজেৱালায়ো চৰকাৰক সমালোচনা কৰে ৷ "Covid-19 ৰ ক্ৰমবৰ্ধমান সংখ্যাত প্ৰতিবন্ধকতা লগোৱাটো সহজ নহয় ৷ তাৰ মাজতে কোনো ধৰণৰ সুৰক্ষা প্ৰট'কল অবিহনেই JEE-NEET পৰীক্ষা অনুষ্ঠিত কৰোটো আৱশ্যক ৷ ঠিকেই আছে ! কিন্তু সংসদত প্ৰশ্নৰ সময়ৰ বাবে অনুমতি প্ৰদান কৰাটোহে ভুল" বুলি তেওঁ কটাক্ষ কৰে ৷
লগতে পঢ়ক: কংগ্ৰেছৰ সভাপতি নিৰ্বাচন সন্দৰ্ভত সঞ্জয় নিৰুপমৰ সৈতে আছুতীয়া সাক্ষাৎকাৰ
