নিউজ ডেস্ক,1 এপ্ৰিলঃ দ্বিপাক্ষিক সম্পৰ্কৰ 70 টা বৰ্ষ অতিক্ৰম কৰিলে ভাৰত আৰু চিলিয়ে ৷ দুয়োখন দেশৰ 70 বছৰীয়া সম্পৰ্কৰবৰ্ষপূৰ্তি উদযাপন কৰিবলৈ চিলিত উপস্থিত হয় ৰাষ্ট্ৰপতি ৰামনাথ কোবিন্দ ৷
দেওবাৰে চিলিত উপস্থিত হৈয়েই দেশখনত থকা প্ৰবাসী ভাৰতীয়সকলকসাক্ষাৎ কৰে ৰাষ্ট্ৰপতি গৰাকীয়ে ৷ ভাৰত আৰু চিলিৰ মাহত সু-সম্পৰ্ক বাহাল ৰখোৱাত চিলিস্থিত প্ৰবাসী ভাৰতীয়ই যথেষ্ট অৰিহণা যোগাইছে বুলি প্ৰবাসী ভাৰতীয়ক ধন্যবাদ জ্ঞাপন কৰে ৰাষ্ট্ৰপতিগৰাকীয়ে ৷ দেশখনত মহাত্মা গান্ধী মেম'ৰিয়েলত শ্ৰদ্ধাঞ্জলি জ্ঞাপন কৰাৰ উপৰিও চিলি বিশ্ববিদ্যালয়তো ভাষণ প্ৰদান কৰিব ৰাষ্ট্ৰপতি কোবিন্দে ৷ এই ভ্ৰমণকালত চিলিৰ ৰাষ্ট্ৰপতি চেবাষ্টিয়েন পিনেৰাক সাক্ষাৎ কৰি দুয়োখন দেশৰ মাজৰ সম্পৰ্কৰ উন্নীতকৰণৰ হকেও ব্যৱস্থা গ্ৰহণ কৰিব ভাৰতৰ ৰাষ্ট্ৰপতিগৰাকীয়ে ৷
