নিউজ ডেস্ক, 11 এপ্ৰিলঃ প্ৰধানমন্ত্ৰী নৰেন্দ্ৰ মোডী শনিবাৰে মিলিত হ'ব ভাৰতৰ ৰাজ্যসমূহৰ মুখ্যমন্ত্ৰীসকলৰ সৈতে । 14 এপ্ৰিলত 21 দিনীয়া লকডাউন সমাপ্ত হোৱাৰ পাচত লকডাউনৰ সময়সীমা বৃদ্ধি কৰিব নে নকৰে তাকে লৈ আলোচনাত মিলিত হ'ব প্ৰধানমন্ত্ৰী গৰাকী । ভিডিঅ' কনফাৰেন্স যোগে অনুষ্ঠিত হ'ব এই বৈঠক ।
কৰ'ণা ভাইৰাচ সংক্ৰমণ দ্ৰুত হাৰত বৃদ্ধি পোৱা বাবে ইতিমধ্যে বহু ৰাজ্যই লকডাউন বৃদ্ধিৰ পোষকতা কৰিছে আৰু কোনো কোনো ৰাজ্যই লক ডাউন বৃদ্ধি ঘোষণাও কৰিছে ।
বুধবাৰে মোডীয়ে সংসদৰ বিভিন্ন দলৰ নেতাসকলৰ সৈতে হোৱা বৈঠকত লক ডাউন বঢ়োৱাৰ এক ইংগিত প্ৰদান কৰি কৈছিল যে, সকলো স্থানতে 14 এপ্ৰিলৰ পাচতো একেলগকে লকডাউন প্ৰত্যাহাৰ কৰাটো সম্ভৱ নহয়, তেওঁৰ চৰকাৰে সদায় "প্ৰতিজনৰে জীৱন ৰক্ষা" কৰাক অগ্ৰাধিকাৰ দি আহিছে ।
