নেশ্যনেল ডেস্ক, 23 জুলাই : বৃহস্পতিবাৰে ভিডিঅ’ কনফাৰেন্সযোগে মণিপুৰৰ পানী যোগান প্ৰকল্পৰ আধাৰশিলা স্থাপন কৰিব প্ৰধানমন্ত্ৰী নৰেন্দ্ৰ মোদীয়ে ৷
উল্লেখ্য যে, কেন্দ্ৰীয় চৰকাৰে 1,42,749 টা আৱাসৰ 1,185 টা বস্তিক সাঙুৰি লোৱাৰ হেতু পানীৰ টেপ ব্যৱস্থা (FHTCs)ৰ সংযোজন কৰিবলৈ জল জীৱন মিছনৰ অধীনত মণিপুৰ চৰকাৰলৈ পুঁজি প্ৰদান কৰে ৷
মণিপুৰ পানী যোগান প্ৰকল্প হৈছে এক বহিৰাগত বিত্তীয় প্ৰকল্প, যাক গ্ৰেটাৰ ইম্ফল যোজনা ক্ষেত্ৰ, 25 খন চহৰত FHTCs প্ৰদান কৰিবৰ বাবে আৰ্হি প্ৰস্তুত কৰা হৈছে ৷ ইয়াৰ লগতে, 1,731 টা গ্ৰাম্য বস্তিৰ বাবে মণিপুৰৰ 16 খন জিলাৰ 2,80,756 টা আৱাসক সাঙুৰি লোৱা হৈছে ৷
আগন্তুক 2024 চনলৈ ‘হৰ ঘৰ জল’ৰ লক্ষ্য প্ৰাপ্তিৰ বাবে এয়া হৈছে ৰাজ্য চৰকাৰৰ প্ৰয়াসৰ এক গুৰুত্বপূৰ্শ প্ৰকল্প ৷ নতুন উন্নত বেংকৰ বিত্তীয় পোষিত ঋণৰ বাবে এই প্ৰকল্পৰ ব্যয় প্ৰায় 3054.58 টকা ৷
মণিপুৰৰ ৰাজ্যপাল নাজমা হেপতুল্লা, মুখ্যমন্ত্ৰী এন বীৰেণ সিং আৰু তেওঁলোকৰ কেবিনেট সহযোগী, সাংসদ আৰু বিধায়কসকলে ইম্ফলত হ’বলগীয়া এই কাৰ্যসূচীত ভাগ লোৱাৰ আশা প্ৰকাশ কৰা হৈছে ৷
কেন্দ্ৰীয় চৰকাৰে এই জল জীৱন মিছনৰ আৰম্ভণি কৰিছে, যাতে 2024 চনলৈকে দেশৰ প্ৰত্যেক গ্ৰামাঞ্চলৰ আৱাসত সুৰক্ষিত আৰু পৰ্যাপ্ত মাত্ৰাত পানী সৰবৰাহ হয় ৷
এই আঁচনিৰ আন এটা উৎস হৈছে, পানীৰ ক্ষেত্ৰত বহনক্ষম উপায়সমূহক বাধ্যতামূলক উপাদান হিচাপে গ্ৰহণ কৰা, এবাৰ ব্যৱহৃত পানী পুনঃব্যৱহাৰযোগ্য কৰা আৰু পানী তথা বৰষুণৰ পানী সংৰক্ষণ কৰা ৷
লগতে পঢ়ক : কোভিড-19 ৰোগীৰ পৰিয়ালে জ্বলালে এম্বুলেন্স
