নিউজ ডেস্ক, 1 জুনঃ একেৰাহে দ্বিতীয় বাৰলৈ উত্তৰ-পূৰ্বাঞ্চল উন্নয়ন দপ্তৰৰ মন্ত্ৰী হিচাপে দায়িত্বভাৰ গ্ৰহণ কৰে মন্ত্ৰী ডo জিতেন্দ্ৰ সিঙে ৷ বিভাগটোৰ দায়িত্ব গ্ৰহণ কৰি প্ৰধানমন্ত্ৰী নৰেন্দ্ৰ মোডীৰ নেতৃত্বত উত্তৰ-পূবৰ ৰাজ্যসমূহে আৰু অধিক উন্নয়ন কৰিবলৈ সক্ষম হ'ব বুলি উল্লেখ কৰে ড'নাৰ মন্ত্ৰী ড0 জিতেন্দ্ৰ সিঙে ৷ তেওঁ কয় যে বিগত পাঁচ বছৰে উত্তৰ-পূবৰ ৰাজ্যসমূহত যথেষ্ট বিকাশ হৈছে আৰু এইবাৰো প্ৰধানমন্ত্ৰীৰ নেতৃত্বত এই উন্নয়নৰ ধাৰা অব্যাহত ৰখাৰ সকলো প্ৰচেষ্টাই হাতত লোৱা হ'ব ৷
তদুপৰি বিগত পাঁচ বছৰত উত্তৰ-পূবৰ ভিতৰুৱা অঞ্চলসমূহত যাতায়ত তথা আন্তঃগাঁথনিৰো উন্নয়ন হোৱা পৰিলক্ষিত হৈছে বুলি দাবী কৰে মন্ত্ৰীগৰাকীয়ে ৷ তথ্য অনুসৰি বিগত সময়ছোৱাৰ বিভিন্ন উন্নয়নমূলক দিশৰ প্ৰতি লক্ষ্য ৰাখিয়েই ড0 জিতেন্দ্ৰ সিঙক একেৰাহে দ্বিতীয়বাৰলৈ ড'নাৰ মন্ত্ৰী হিচাপে দায়িত্বভাৰ অৰ্পণ কৰা হয় ৷
