নিউজ ডেস্ক, ৮ জুন : সমগ্ৰ বিশ্বত মহামাৰী কৰ'ণা ভাইৰাছে সন্ত্ৰাস চলাই আহিছে । ইতিমধ্যে এই ভাইৰাছ বিধত আক্ৰান্ত হৈছে বিশ্বৰ প্ৰতিখন দেশ । ভাৰতবৰ্ষতো এই ভাইৰাছবিধে মহামাৰীৰ ৰূপ ধাৰণ কৰিছে । ভাৰতবৰ্ষৰ ভিতৰত সৰ্বাধিক আক্ৰান্ত হৈছে মহাৰাষ্ট্ৰ ।
সোমবাৰে মুম্বাইৰ প্ৰশাসনিক বিষয়া সকলৰ কলনী যশোধন ভৱনত ২৪ গৰাকী ব্যক্তিৰ দেহত কোভিড-১৯ৰ উপস্থিতি ধৰা পৰিছে । যিটো কলনী ৰাজ্যখনৰ ৰাজধানীৰ নিচেই ওচৰত অৱস্থিত ।
জানিব পৰা মতে,তিনিদিন পূৰ্বেই বিল্ডিংটোত বসবাস কৰা চিকিৎসা বিজ্ঞানৰ সচিব সঞ্জয় মুখাৰ্জিৰ ড্ৰাইভাৰ গৰাকীৰ দেহত কোভিড-১৯ পজিটিভ পোৱা গৈছিল । তাৰ পিছতে উক্ত স্থানত বসবাস কৰা সকলো বিষয়া আৰু ড্ৰাইভাৰ সকলৰ কোভিড-১৯ পৰীক্ষা কৰা হৈছিল । ৯০ গৰাকী লোকৰ পৰীক্ষাৰ অন্তত ২৪ গৰাকী লোকৰ দেহত কৰ'ণা পজিটিভ পোৱা গৈছে । যাৰ ভিতৰত বহু কইগৰাকী প্ৰশাসনিক বিষয়া কোভিড-১৯ ত আক্ৰান্ত হোৱাৰ তথ্য পোৱা গৈছে । আনহাতে,উক্ত বিল্ডিংটোৰে কোভিড-১৯ৰ দায়িত্বত থকা এগৰাকী মহিলা আক্ৰান্ত হোৱা বুলি জানিব পৰা গৈছে ।
পৰৱৰ্তী সময়ত প্ৰশাসনে উক্ত বিল্ডিংটো ছীল কৰি আক্ৰান্ত লোক কেইজনক চিকিৎসাৰ ব্যৱস্থা কৰিছে ।
লগতে পঢ়ক : কোভিড-১৯ৰ দেশজুৰি শেহতীয়া তথ্য
