নিউজ ডেস্ক, ১৪ এপ্ৰিলঃ কেৰালাত আৰম্ভ কৰা হ'ল ম'বাইল COVID-১৯ স্ক্ৰীনিঙৰ ব্যৱস্থা । মাৰ্চ মাহৰ শেষৰ ভাগত মুকলি কৰা হৈছিল এই আঁচনিৰ । এই আঁচনিৰ অধীনত কেৰালাত বৰ্তমানলৈ ৫০০ গৰাকী প্ৰৱাসী শ্ৰমিকৰ পৰীক্ষা কৰা হৈছে । সোমবাৰে এই কথা জানিবলৈ দিয়ে কেৰালা প্ৰশাসনে ।
এই আঁচনি ৰাষ্ট্ৰীয় স্বাস্থ্য মিচন (NHM) আৰু চেন্টাৰ ফৰ্ মাইগ্ৰেশন আৰু ইনক্লোছিভ ডেভেলপমেণ্ট (CMID)ৰ সহযোগত মুকলি কৰা হৈছিল । "বন্ধু" নামৰ এই ম'বাইল ক্লিনিকেৰে যোৱা দহটা দিনত ইৰানাকুলাম জিলাত থকা শ্ৰমিক সকলৰ পৰীক্ষা কৰা হয় ।
বিভিন্ন সুবিধাযুক্ত বগা মিনি বাছখনত নীলা ৰঙেৰে লিখা হৈছে বন্ধু । যাৰ অৰ্থ হৈছে লগৰীয়া । বাংলা ভাষাৰ পৰা এই নাম লোৱা হৈছে । কিয়নো কেৰালাত পশ্চিম বংগৰ সংখ্যা গৰিষ্ঠ শ্ৰমিক বসবাস কৰি আছে । এই বাহনখনত অত্যাধুনিক চিকিৎসা উপকৰণ থকাৰ লগতে ১০ জনীয়া এটা দল থাকে । যিয়ে অসমীয়া, হিন্দী, ওড়িয়া, তামিল আৰু বাংলা ভাষাত লোক সকলৰ সৈতে মত বিনিময় কৰে ।
কেৰালাত প্ৰায় ৩০ লাখতকৈ কম পৰিমাণৰ প্ৰৱাসী শ্ৰমিক থকাৰ অনুমান কৰা হৈছে । বিগত মাহত ১.৪৫ লাখ লোকৰ বাবে ৪,৬০০ টা প্ৰতিৰক্ষামূলক কেন্দ্ৰ মুকলি কৰা হৈছিল ।
