নিউজ ডেস্ক, 15 জুলাই : কেন্দ্ৰীয় গৃহমন্ত্ৰালয়ে প্ৰেৰণ কৰা এক পত্ৰত দেশৰ সকলো অৰ্ধসামৰিক বাহিনী, চিআৰপিএফ, বিএছএফ, আইটিবিপি, চিআইএছএফ আৰু এনএছজিত কৰ্মৰত তথা অৱসৰপ্ৰাপ্ত বিষয়া-কৰ্মচাৰীক ফেচবুকৰ পৰা আঁতৰি আহিবলৈ কোৱা হৈছে ৷ কেন্দ্ৰীয় গৃহৰাজ্য মন্ত্ৰী জি কিশান ৰেড্ডীয়ে বিদেশী এপসমূহ বন্ধ কৰাৰ নিৰ্দেশ প্ৰদান কৰি এইসমূহ অৰ্ধসামৰিক বাহিনীলৈ এখন ই-মেইল প্ৰদান কৰে ৷ কেন্দ্ৰীয় গৃহমন্ত্ৰালয়ে জি কিশান ৰেড্ডীৰ এই পত্ৰৰ নিৰ্দেশতে অৰ্ধসামৰিক বাহিনীসমূহো ফেচবুকৰ ব্যৱহাৰত নিষেধাজ্ঞা আৰোপৰ সিদ্ধান্ত গ্ৰহণ কৰে ৷
ইয়াৰ পূৰ্বে স্থলসেনাই প্ৰায় 89 টা এপত নিষেধাজ্ঞা আৰোপ কৰিছিল ৷ ইয়াৰ ভিতৰত ইনষ্টাগ্ৰাম, ফেচবুক আদি উল্লেখনীয় আছিল ৷ শেহতীয়াকৈ দেশৰ অৰ্ধসামৰিক বাহিনীসমূহো ফেচবুক বন্ধৰ নিৰ্দেশ প্ৰদান কৰা হয় ৷ এতিয়াৰে পৰাই কাৰ্যকৰী হোৱাকৈ এই নিৰ্দেশ প্ৰদান কৰা হৈছে ৷
লগতে পঢ়কঃ মহামাৰীৰ মাজতো বানাক্ৰান্তক উদ্ধাৰত দিনে-নিশাই ব্যস্ত এনডিআৰএফ
