জম্মু কাশ্মীৰ, 23 জুন : জম্মু কাশ্মীৰৰ পুলৱামা জিলাৰ বাদজুত সেনা আৰু সন্ত্ৰাসবাদীৰ মাজৰ সংঘৰ্ষত নিহত হয় দুজন সন্ত্ৰাসবাদী ৷ সংঘৰ্ষত কেন্দ্ৰীয় ৰিৰ্জাভ আৰক্ষী বাহিনীৰ এজন জোৱানো শ্বহীদ হয় ৷ দক্ষিণ কাশ্মীৰৰ অনন্তনাগ জিলাৰ বনাঞ্চলৰ অন্তৰ্গত কাপৰানত সোমবাৰে সন্ত্ৰাসবাদীয়ে আত্মগোপন কৰাৰ তথ্য লাভ কৰে নিৰাপত্তাৰক্ষীৰ দলে ৷ ইয়াৰ লগে লগে নিৰাপত্তাৰক্ষীৰ দলে অঞ্চলটো ঘেৰাও কৰি তালাচী অভিযান অব্যাহত ৰাখে ৷
অভিযানৰ সময়ত সন্ত্ৰাসবাদী দলে নিৰাপত্তাৰক্ষী দললৈ লক্ষ্য কৰি গুলিচালনা কৰাত সংঘৰ্ষৰ সূত্ৰপাত হয় ৷ এই সংঘৰ্ষত এজন সন্ত্ৰাসবাদী নিহত হয় ৷ মঙলবাৰে পুনৰ সংঘৰ্ষত নিহত হয় দুটা সন্ত্ৰাসবাদী ৷ আনহাতে এই সংঘৰ্ষত নিৰাপত্তাৰক্ষী এজন জোৱানো শ্বহীদ হয় ৷ সন্ত্ৰাসবাদী কেইটাৰ পৰা দুটা এ কে 47 ৰাইফলছ জব্দ কৰে নিৰাপত্তাৰক্ষীৰ দলে ৷ বৰ্তমান অঞ্চলটোত সন্ত্ৰাসবাদীৰ সন্ধানত নিৰাপত্তাৰক্ষীয়ে অব্যাহত ৰাখিছে অভিযান ৷
লগতে পঢ়ক: ৰাজনাথ সিঙৰ ৰাছিয়া ভ্ৰমণ : ভাৰতে S-400 মিছাইল ছিষ্টেম লাভ কৰিবনে ?
