নেশ্যনেল ডেস্ক, 9 ডিচেম্বৰ : অপহৰণকাৰীৰ পৰা পলাই হাৰিবলৈ সক্ষম হৈছে চেন্নাই-কাডাপা ৰিং ৰোডৰ কোনো অজ্ঞাত স্থানত এখন কাৰৰ ভিতৰত বন্দী কৰি ৰখা উত্তৰ প্ৰদেশৰ এজন কিশোৰ ৷ ৰেলৱে' আৰক্ষীয়ে নক্ষত্ৰ কুমাৰ ডুবে নামৰ কিশোৰজনক উদ্ধাৰ কৰি পিতৃৰ হাতত অৰ্পন কৰে ৷
1 ডিচেম্বৰৰ দিনা ভাদোহীত বসবাস কৰা নক্ষত্ৰই বাৰিষপুৰ ৰেলৱে' ষ্টেচনত ৰৈ থকাৰ সময়তে দুজন লোকে পিতৃয়ে মাতি পঠোৱা বুলি জনায় ৷ লোক দুজনৰ ওপৰত সন্দেহ নকৰি নক্ষত্ৰইও তেওঁলোকৰ কথা মতে যোৱাৰ পাচতে দুয়োজনে বলপূৰ্বকভাৱে গাড়ীত উঠাই লৈ যায় ৷
ইয়াৰ পাচতে নক্ষত্ৰক খাদ্যৰ সৈতে কিবা খাবলৈ দি অচেতন কৰি পেলায় ৷ যেতিয়া তেওঁৰ চেতনা ঘূৰি আহে তেওঁ দেখে যে, অপহৰণকাৰী দুজনে কাৰখন লক নকৰাকৈয়ে চাহ খাবলৈ গৈছে ৷ সেই সুযোগতে নক্ষত্ৰই পলাই হাৰিবলৈ সক্ষম হয় আৰু কাডাপা ৰেলৱে' ষ্টেচনত উপস্থিত হয় ৷
