নিউজ ডেস্ক, 16 ফেব্ৰুৱাৰীঃ আম আদমী পাৰ্টীৰ নেতা অৰবিন্দ কেজৰিৱালে দেওবাৰে তৃতীয় বাৰৰ বাবে দিল্লীৰ মুখ্যমন্ত্ৰী হিচাপে শপত গ্ৰহণ কৰিব ৷ কেজৰিৱালে আজি 10 বজাত তেওঁৰ মন্ত্ৰীমণ্ডলৰ সৈতে ৰামলীলা মৈডানত শপত গ্ৰহণ কৰিব ৷ 11 ফেব্ৰুৱাৰীত মুঠ 70 খন আসনৰ ভিতৰত 62 খন আসনত জয় লাভ কৰি তৃতীয় বাৰৰ বাবে ৰাষ্ট্ৰীয় ৰাজধানীত ক্ষমতালৈ আহে অৰবিন্দ কেজৰিৱাল নেতৃত্বাধীন আম আদমি পাৰ্টি ৷
শপত গ্ৰহণ অনুষ্ঠানলৈ অৰবিন্দ কেজৰিৱালে প্ৰধানমন্ত্ৰী নৰেন্দ্ৰ মোডীক নিমন্ত্ৰণ জনাইছে ৷ ইয়াৰোপৰি তেখেতৰ দলে আয়ান তোমৰক বিশেষভাৱে নিমন্ত্ৰণ দিছে ৷ তেওঁ কেজৰিৱালৰ নিৰ্বাচনী পৰিণামৰ দিনাখন কেজৰিৱালৰ দৰে কাপোৰ পৰিধান কৰিছিল ৷ কেজৰিৱালে বাতৰি কাকতৰ প্ৰথম পৃষ্ঠাত বিজ্ঞাপনৰ জৰিয়তে দিল্লীবাসীক সমাৰোহলৈ আমন্ত্ৰণ জনায় ৷ 'দিল্লী নিৰ্মাণ'ৰ লগত জড়িত ভিন্ন স্তৰৰ 50 গৰাকী আমন্ত্ৰিত লোকেও শপত গ্ৰহণ অনুষ্ঠানত কেজৰিৱালৰ সৈতে মঞ্চ অংশগ্ৰহণ কৰিব ৷ এই 50 গৰাকী লোকৰ ভিতৰত শিক্ষক, চিগনেচাৰ ব্ৰিজৰ স্থাপত্যবিদ, বাছ মাৰ্শ্বেলৰ লগতে সেইসকল অগ্নি নিৰ্বাপক বাহিনীৰ পৰিয়ালৰ লোক উপস্থিত থাকিব, যিসকলে নিজৰ প্ৰাণ হেৰুৱাইছে ৷
লগতে পঢ়কঃ কেজৰিৱালৰ শপত গ্ৰহণত উপস্থিত নাথাকে প্ৰধানমন্ত্ৰী মোডী
