জলশক্তি মন্ত্ৰীয়ে পৰিদৰ্শন কৰিব অসমৰ বান পৰিস্থিতি

অসমৰ বান সমস্যাৰ বিষয়টো সদনৰ শূন্য কালত উপস্থাপন কৰে সাংসদ বৈশ্যই ৷ ইতিমধ্যে কেন্দ্ৰীয় মন্ত্ৰী গজেন্দ্ৰ সিং শ্বেখাৱটে ফোনযোগে অসমৰ মুখ্যমন্ত্ৰী সৰ্বানন্দ সোণোৱালৰ সৈতে ৰাজ্যৰ বান পৰিস্থিতি সন্দৰ্ভত আলোচনা কৰা বুলি জানিব পৰা গৈছে ৷

নতুন দিল্লী, 15 জুলাইঃ অসমৰ বান পৰিস্থিতিৰ বুজ ল'বলৈ মঙলবাৰে অসমত উপস্থিত হ'ব কেন্দ্ৰীয় জলশক্তি মন্ত্ৰী গজেন্দ্ৰ সিং শ্বেখাৱট ৷ এই কথা প্ৰকাশ কৰিছে অসম গণ পৰিষদৰ ৰাজ্যসভাৰ সাংসদ বীৰেন্দ্ৰ প্ৰসাদ বৈশ্যই ৷ সোমবাৰে অসমৰ বান সমস্যাৰ বিষয়টো সদনৰ শূন্য কালত উপস্থাপন কৰে সাংসদ বৈশ্যই ৷ ইতিমধ্যে কেন্দ্ৰীয় মন্ত্ৰী গজেন্দ্ৰ সিং শ্বেখাৱটে ফোনযোগে অসমৰ মুখ্যমন্ত্ৰী সৰ্বানন্দ সোণোৱালৰ সৈতে ৰাজ্যৰ বান পৰিস্থিতি সন্দৰ্ভত আলোচনা কৰা বুলি জানিব পৰা গৈছে ৷