নেশ্যনেল ডেস্ক, 25 ফেব্ৰুৱাৰী: আমেৰিকাৰ ৰাষ্ট্ৰপতি ডনাল্ড ট্ৰাম্পে মঙলবাৰে ঘোষণা কৰে যে, ভাৰত আৰু আমেৰিকাই দুয়োখন দেশৰ মাজৰ সামৰিক সহযোগিতা বৃদ্ধিৰে নতুন দিল্লীয়ে আমেৰিকাৰ পৰা উন্নত মানৰ সামৰিক যন্ত্ৰ-পাতি ক্ৰয় কৰিবলৈ চুক্তিবদ্ধ হৈছে ৷ 3 বিলিয়ন আমেৰিকান ডলাৰৰ বিনিময়ত স্বাক্ষৰিত চুক্তিত অন্তৰ্ভূক্ত থাকিব আমেৰিকাৰ আপাচি আৰু এমএইচ 60 ৰোমিঅ' হেলিকপ্টাৰ ৷ তেওঁ লগতে উল্লেখ কৰে যে, এই চুক্তিয়ে দুয়োখন দেশৰ সামৰিক সক্ষমতা বৃদ্ধি কৰিব ৷
ট্ৰাম্পে কয় যে, "আজি দিনৰ ভাগত আমি আমাৰ মাজৰ সামৰিক সহযোগিতা বৃদ্ধিৰ বাবে ভাৰতৰ সৈতে 3 বিলিয়ন আমেৰিকান ডলাৰৰ বিনিময়ত চুক্তিত উপনীত হও ৷ ইয়াৰ ভিতৰত উন্নত মানৰ সামৰিক প্ৰযুক্তি, আপাচি আৰু ৰোমিঅ' হেলিকপ্টাৰ থাকিব ৷ ইয়ে আমাৰ যুটীয়া সামৰিক সহযোগিতা বৃদ্ধি কৰিব ৷"
ইতিমধ্যে ভাৰতৰ Cabinet Committee on Securityএ এই চুক্তিৰ বাবে অনুজ্ঞা প্ৰদান কৰিছে ৷ আমেৰিকাই বিগত বৰ্ষৰ এপ্ৰিল মাহত Foreign Military Sales কাৰ্যসূচীৰ অধীনত এইসমূহ হেলিকপ্টাৰ বিক্ৰীৰ বাবে অনুমোদন জনাইছিল ৷ আমেৰিকাৰ Lockheed Martinৰ দ্বাৰা নিৰ্মিত এই হেলিকপ্টাৰে ভাৰতৰ অতি পুৰনি তথা ব্ৰিটিছৰ দ্বাৰা নিৰ্মিত Sea King হেলিকপ্টাৰক স্থলাভিষিক্ত কৰিব ৷
আৰু পঢ়কঃট্ৰাম্প আৰু মোডীৰ যুটীয়া বিবৃতি : সামৰিক খণ্ডৰ পৰা অৰ্থনীতিলৈ অধিক গুৰুত্ব ভাৰত-আমেৰিকাৰ
