নেশ্যনেল ডেস্ক, 17 ছেপ্তেম্বৰ : প্ৰকৃত নিয়ন্ত্ৰণ ৰেখাত উত্তেজনা বৃদ্ধি পোৱাৰ সময়তে কেন্দ্ৰীয় বৈদেশিক মন্ত্ৰণালয়ে (MEA) বৃহস্পতিবাৰে মন্তব্য কৰে যে, প্ৰতিটো অঞ্চলৰ পৰা সীমান্ত বিবাদৰ অন্ত পেলাবৰ বাবে চীনে ভাৰতৰ সৈতে সহযোগিতা কৰা উচিত ৷
MEA মুখপাত্ৰ অনুৰাগ শ্ৰীবাস্তৱে কয়, "পাংগং টিছু হ্ৰদৰ লগতে অন্যান্য অঞ্চলসমূহৰ পৰা বিবাদৰ নিস্পত্তিৰ বাবে চীনা পক্ষই ভাৰতৰ সৈতে নিষ্ঠাৰে সহযোগিতা আগবঢ়াব লাগে ৷"
লোকসভাত বুধবাৰে বৈদেশিক মন্ত্ৰণালয়ৰ ৰাজ্যিক মন্ত্ৰী ভি. মুৰলিধৰণে চাৰি মাহযোৰা সীমান্তৰ বিবাদ সম্পৰ্কত কিছু আভাষ প্ৰদান কৰাৰ লগতে কয় যে, চীনা পক্ষই প্ৰকৃত নিয়ন্ত্ৰণ ৰেখা উলংঘন কৰাৰ বাবে চেষ্টা চলাইছিল ৷
মুৰলিধৰণে কয়, "এনে কাৰ্যৰ বিৰুদ্ধে আমি সঠিক প্ৰত্যুত্তৰ প্ৰদান কৰিছো ৷"
তেওঁ লগতে কয় যে, দুয়ো পক্ষৰ জ্যেষ্ঠ কমাণ্ডাৰসকলে 6 জুনত এক বৈঠকত মিলিত হ'বৰ বাবে সন্মতি প্ৰকাশ কৰিছিল ৷ ইয়াৰ পাচতে গ্ৰাউণ্ড কমাণ্ডাৰসকলে বহুকেইখন বৈঠকৰ আয়োজন কৰিছিল ৷
লগতে পঢ়ক: বিশ্বক উন্নতমানৰ স্থান হিচাপে গঢ়ি তুলিব ভাৰতে : জাভাৰেকাৰ
