নেশ্যনেল ডেস্ক, 24 ছেপ্তেম্বৰ: ভাৰতত কৰ'ণা আক্ৰান্ত লোকৰ সংখ্যাই অতিক্ৰম কৰিলে 57 লক্ষাধিক ৷ ইয়াৰ বিপৰীতে এই মহামাৰীৰ কৱলৰ পৰা আৰোগ্য লাভ কৰা লোকৰ সংখ্যাও বৃদ্ধি পালে 46 লক্ষাধিক লোকলৈ ৷ কেন্দ্ৰীয় স্বাস্থ্য মন্ত্ৰণালয়ে বৃহস্পতিবাৰে প্ৰদান কৰে এই তথ্য ৷
বিগত 24 ঘণ্টাত নতুনকৈ 86,508 গৰাকী লোকৰ কৰ'ণাত আক্ৰান্ত হোৱাৰ পাচতে ভাৰতত কৰ'ণা ভাইৰাছৰ সংক্ৰমণ 57,32,518 গৰাকী লোকলৈ বৃদ্ধি পায় ৷ আনহাতে শেহতীয়া 24 ঘণ্টাৰ ভিতৰত 1,129 গৰাকী লোকে এই মহামাৰীত আক্ৰান্ত হৈ মৃত্য়ুক সাৱটি লৈছে ৷ ইয়াৰ লগে লগে দেশত মৃতকৰ সংখ্যা বৃদ্ধি পালে 91,149 গৰাকীলৈ ৷
ভাৰতীয় চিকিৎসা গৱেষণা পৰিষদে প্ৰদান কৰা তথ্য অনুসৰি বৰ্তমালৈ ভাৰতত মুঠ 6,74,36,031 নমুনাৰ পৰীক্ষণ সম্পন্ন হৈছে ৷ 23 ছেপ্তেম্বৰত দেশজুৰি 11,56,569 গৰাকী লোকৰ পৰীক্ষণ সম্পন্ন হৈছে ৷
লগতে পঢ়ক: মোদী আৰু ঝীৰ বৈঠকেহে অৱসান ঘটাব প্ৰকৃত নিয়ন্ত্ৰণৰেখাৰ বিবাদ
