নিউজ ডেস্ক,23 অক্টোবৰ : আফগানিস্তানৰ পুনঃগঠন তথা উন্নয়নৰ বাবে ভাৰতৰ প্ৰতিশ্ৰুতি প্ৰদান ৷ বৃহস্পতিবাৰে আফগান নেতা অতা মহম্মদ নুৰক এই কথা জনায় ভাৰতীয় বৈদেশিক মন্ত্ৰণালয়ে ৷ উল্লেখ্য যে,বুধবাৰে বৈদেশিক পৰিক্ৰমা মন্ত্ৰী এছ জয়শংকৰে বল্খ প্ৰান্তৰ প্ৰাক্তন ৰাজ্যপাল আৰু বিদেশ সচিব হৰ্ষ বৰ্ধনৰ সৈতে এক আলোচনাত মিলিত হয় ৷
বৈদেশিক মন্ত্ৰণালয়ৰ প্ৰবক্তা অনুৰাগ শ্ৰীবাস্তৱে কয় যে,আফগানিস্তানত বৃদ্ধি পোৱা হিংসাত্মক ঘটনা আৰু শান্তি প্ৰক্ৰিয়া সন্দৰ্ভত বৈঠকত আলোচনা কৰা হয় ৷ বৈঠকযোগে ভাৰতে আফগানিস্তানৰ উন্নয়নৰ প্ৰতি দীৰ্ঘম্যাদী প্ৰতিশ্ৰুতি পুনঃব্যক্ত কৰে ৷
লগতে তেওঁ কয় যে,যুদ্ধৰ দশকক সমাপ্ত কৰাৰ হেতু তালিবান আৰু আফগান চৰকাৰে পোনপটীয়াকৈ বাৰ্তালাপ কৰিছে ৷ আফগানিস্তানৰ শান্তি আৰু স্থিৰতাৰ ক্ষেত্ৰত ভাৰতে এক মুখ্য সহায়ক হিচাপে কাম কৰি আহিছে ৷ সেয়েহে আফগানিস্তানৰ উন্নয়নত ভাৰতে 2 বিলিয়ন আমেৰিকান ডলাৰ বিনিয়োগ কৰিছে ৷
ফেব্ৰুৱাৰী মাহত আমেৰিকাই তালিবানৰ সৈতে শান্তি চুক্তিত স্বাক্ষৰ কৰাৰ পাচত ভাৰতৰ বিকাশিত ৰাজনৈতিক পৰিস্থিতি গভীৰভাৱে অনুসৰণ কৰে ৷ ভাৰত-আফগানিস্তানত ৰাজনৈতিক দিশৰ সকলো শ্ৰেণীৰ পৰা এক সমৃদ্ধ আৰু সুৰক্ষিত ভৱিষ্যতৰ বাবে আৰু সংখ্যালঘু সম্প্ৰদায়ৰ লোকসকলৰ আশা-আকাঙ্খা পূৰণৰ হেতু একগোট গৈ কাম কৰাৰ আহ্বান জনোৱা হয় ৷
লগতে পঢ়ক : কৃষি সম্পৰ্কিত বিষয় আলোচনা কৰিবলৈ তেলেংগনাৰ মুখ্যমন্ত্ৰীৰ বৈঠক আহ্বান
