নিউজ ডেস্ক, ১৭ জুন : সীমা বিবাদক কেন্দ্ৰ কৰি ভাৰত আৰু ৰঙা চীনৰ মাজত অব্যাহত থকা সংঘৰ্ষৰ পিছত চীনা সামগ্ৰী বৰ্জনৰ বাবে এক নতুন আন্দোলনৰ সৃষ্টি হৈছে । চীনৰ বাবে ভাৰত বাণিজ্যিক দিশৰ মূল কেন্দ্ৰ বিন্দু । চীনে প্ৰতিবছৰে ভাৰতত বহু লাখ কোটি টকাৰ বাণিজ্যিক চুক্তি সম্পাদন কৰে । এইখিনিতে কোন ভাৰতীয় কোম্পানীত চীনৰ বিনিয়োগ আছে চাওঁ আহক ৷
পেটিএম- চীনৰ আলিবাবা গ্ৰুপ মোবাইল ওয়ালেট সংস্থাই পেটিএমত বিনিয়োগ কৰিছে । সংস্থাটোৱে ৪০০ মিলিয়ন ডলাৰ পেটিএমত বিনিয়োগ কৰিছে ।
ফ্লিপ'কাৰ্ট- চীনৰ ষ্টিলভিউ ক্যাপিটাল আৰু টেনসেন্ট হোডিংস অফ চীন নামৰ সংস্থা দুটাই অনলাইন শ্বপিং চাইট ফ্লিপ'কাৰ্টত ৩০০ মিলিয়ন ডলাৰ বিনিয়োগ কৰিছে ।
জ'মাতো- আলিবাবা গ্ৰুপ, আলিপে ছিংগাপুৰ হোডিং প্ৰাইভেট লিমিটেড, আন্ট ফাইনেনচিয়েল চাৰ্ভিচেছ নামৰ সংস্থাই অনলাইন ফুড ডেলিভাৰী জমাতো কোম্পানীত ২০০ মিলিয়ন ডলাৰ বিনিয়োগ কৰিছে ।
চুইগি- চীনৰ মেটুয়ান ডায়ানপিং, হিলহাউছ ক্যাপিটাল, টেনসেন্ট হোডিংস আৰু এছএআইএফ পাৰ্টনাৰে চুইগিত ৫০০ মিলিয়ন ডলাৰ বিনিয়োগ কৰিছে ।
অ'লা- টেনসেন্ট হোডিংস, ষ্টিভভিউ ক্যাপিটাল, চেলিং কেপিটেল, ইউলেড ইন্টাৰনেশ্বনেল লিমিটেড আৰু চীন ইউৰোপিয়ান সহযোগিতাই অ'লাত ৫০০ মিলিয়ন ডলাৰ বিনিয়োগ কৰিছে ।
বাইজু- টেনসেন্ট হোডিংস অনলাইন শিক্ষা প্ৰযুক্তি সংস্থাই বাইজুতে ৫০ মিলিয়ন ডলাৰ বিনিয়োগ কৰিছে ।
বিগ বাস্কেট- চীনৰ আলিবাবা গ্ৰুপ আৰু টি আৰ ক্যাপিটাল নামৰ সংস্থাই বিগ বিস্কেটত ২৫০ মিলিয়ন ডলাৰ বিনিয়োগ কৰিছে ।
স্নেপডিল- আলিবাবা গ্ৰুপ আৰু এফআইএইচ মোবাইল লিমিটেডে ৭০০ মিলিয়ন ডলাৰ বিনিয়োগ কৰিছে ।
অইঅ'- দিদি চুচিং আৰু চাইনা লজিং গ্ৰুপয়ে ১০০ মিলিয়ন ডলাৰ বিনিয়োগ কৰিছে ।
ইয়াৰ উপৰিও চীনে খাতাবুক, হাইক, মেক মাই ট্ৰিপ, আদি বহু কেইটা প্ৰতিষ্ঠানত বিনিয়োগ কৰিছে ।
লগতে পঢ়ক : আই আই টি হায়দৰাবাদে কোভিড-১৯ পৰীক্ষাৰ বাবে প্ৰস্তুত কৰিছে AI-powered
