নিউজ ডেস্ক, ১৭ জুনঃ লাডাখৰ গালৱান ভেলীত চীন-ভাৰতৰ সেনাৰ মুখামুখি সংঘৰ্ষত শ্বহীদ হোৱা বীৰ সকললৈ শ্ৰদ্ধাঞ্জলি বলিউড অভিনেতা হৃত্বিক ৰোছনৰ । লগতে সংঘৰ্ষৰ ফলত সৃষ্টি হোৱা অশান্তিকৰ পৰিৱেশৰ বাবেও দুখ প্ৰকাশ কৰে অভিনেতা গৰাকীয়ে ।
ছুপাৰ ৩০ ৰ অভিনেতা হৃত্বিক ৰোছনে টুইটাৰযোগে প্ৰকাশ কৰে যে, "আমাৰ ৰক্ষাৰ বাবেই সেনা সকলে বুকু পাতি শত্ৰুৰ আগত থিয় হয় । কৰ্মৰত সময়ত শ্বহীদ হোৱা সকলো সেনালৈ মোৰ সৰ্বোচ্চ সন্মান । তেখেতসকৰ পৰিয়ালৰ বাবে সমবেদনা আৰু প্ৰাৰ্থনা জনাইছো । শ্বহীদ সকলৰ আত্মাই চিৰ শান্তি লাভ কৰক ।"
লগতে, বৰ্ষীয়ান অভিনেতা অনুপম খেৰে ভাৰতীয় সেনাক সমৰ্থন কৰি টুইট কৰে যে, "ভাৰতীয় সেনাৰ জয় হওক । জয় হিন্দ ।"
অক্ষয় কুমাৰে টুইটযোগে প্ৰকাশ কৰে, "গালৱান ভেলীত শ্বহীদ হোৱা বীৰ সকলৰ বাবে গভীৰভাৱে শোক প্ৰকাশ কৰিছো । আমি চিৰজীৱন তেখেতসকলে আগবঢ়াই অহা অমূল্য দেশ সেৱাৰ প্ৰতি ঋণী হৈ থাকিম । তেখেতসকৰ পৰিয়ালবৰ্গলৈ সমবেদনা ।"
আনহাতে, শ্বহীদ সকললৈ সমবেদনা জ্ঞাপন কৰি অমিতাভ বচ্চনে টুইটযোগে প্ৰকাশ কৰে যে, "তেখেতসকলে আমাৰ দেশ ৰক্ষা কৰিবলৈ তথা আমাক সুৰক্ষিত ৰাখিবলৈ নিজৰ জীৱন উচৰ্গা কৰিছে । চ্যালুট জনাইছো ভাৰতীয় সেনা আৰু বিষয়ৱবীয়াসকলক । জয় হিন্দ ।"
তাৰোপৰি অভিনেতা তুষাৰ কাপুৰে দুখ প্ৰকাশ কৰি টুইটাৰযোগে ব্যক্ত কৰে যে, আমাৰ বীৰ সকলক আৰু অধিক শক্তি প্ৰদান কৰক । ভাৰতৰ সীমান্তত থকা সকলো সৈনিকেই অত্যন্ত সাহসী । শ্বহীদ হোৱা সকললৈ শ্ৰদ্ধাঞ্জলি জ্ঞাপন কৰিলো ।
