নিউজ ডেস্ক, 30 জুন : বিশ্বস্তৰত যোগাযোগৰ মাধ্যম হিচাপে সামাজিক মাধ্যমৰ গুৰুত্ব উপলব্ধিৰে 30 জুন পালন কৰা হয় বিশ্ব সামাজিক মাধ্যম দিৱস ৷ মাছাবেল নামৰ এক জনপ্ৰিয় ৱেবচাইটে 2010 চনত আজিৰ দিনটোতে প্ৰথমবাৰৰ বাবে বিশ্ব সামাজিক মাধ্যম দিৱস উদযাপন কৰিছিল ৷
সামাজিক মাধ্যমে ৰাইজক বন্ধু আৰু পৰিয়ালৰ সৈতে সংযোগ কৰাই নহয়, ইয়ে বহুটো শৈক্ষিক শিক্ষানুষ্ঠান, ব্যক্তিগত প্ৰতিষ্ঠান, গৱেষণা সংস্থা, ক্ষুদ্ৰ আৰু বৃহৎ ব্যৱসায়ৰ কাম কৰাৰ নীতিয়ে সলনি কৰি পেলাইছে ৷ সামাজিক মাধ্যমৰ উপস্থিতি সকলোতে দেখিবলৈ পোৱা গৈছে ৷
- সমগ্ৰ বিশ্বত 3.81 বিলিয়ন ব্যৱহাৰকাৰীয়ে সামাজিক মাধ্যম ব্যৱহাৰ কৰে, য'ত 2019 চনত ভাৰততে 574 মিলিয়ন ইন্টাৰনেট ব্যৱহাৰকাৰী আছে ৷
- 2020ৰ ডিচেম্বৰলৈ ভাৰতত সক্ৰিয় ইন্টাৰনেট ব্যৱহাৰকাৰীৰ সংখ্যা 639 মিলিয়নলৈ বৃদ্ধি পাব বুলি ধাৰনা কৰা হৈছে ৷
- 2020ৰ প্ৰথমাৰ্ধত ফেচবুকৰ সক্ৰিয় ব্যৱহাৰকাৰী প্ৰতিমাহত আছিল 2.6 বিলিয়ন ৷
- 2020ত সমগ্ৰ বিশ্বতে সামাজিক মাধ্যমত অংশগ্ৰহণ গড়ে 49 শতাংশ হয়, পূৱ এছিয়া আৰু উত্তৰ আমেৰিকাত সৰ্বাধিক সংখ্যক 71 আৰু 69 শতাংশ, আৰু তাৰ পিচত 67 শতাংশৰে তৃতীয়স্থানত আছে উত্তৰ ইউৰোপ ৷
- 99 শতাংশৰে ইউনাইটেড আৰৱ ইমাৰেটছ হৈছে বিশ্বৰ সৰ্বাধিক সক্ৰিয় সামাজিক মাধ্যম অংশগ্ৰহণকাৰী
- প্ৰতিদিনে গড়ে ইন্টাৰনেট ব্যৱহাৰকাৰীসকলে 144 মিনিট সময় সামাজিক মাধ্যমত ব্যয় কৰে ৷
- চীনৰ পিচতেই ভাৰত হৈছে দ্বিতীয় বৃহৎ অনলাইন মাৰ্কেট ৷
- ভাৰতৰ গ্ৰামাঞ্চলত 264 মিলিয়ন ইন্টাৰনেট ব্যৱহাৰকাৰী আছে আৰু 2020ৰ শেষলৈ ই 304 মিলিয়নলৈ বৃদ্ধি পাব বুলি ধৰা হৈছে ৷ ভাৰতৰ গ্ৰামাঞ্চলত এক বৃহৎ অংশই ইন্টাৰনেটৰ সংযোগৰ পৰা আঁতৰত আছে ৷
- চুছি আৰু ষ্টিকৰ পিচতে পিজ্জা হৈছে ইনষ্টাগ্ৰামত সৰ্বাধিক অনুকৰণকাৰী খাদ্য ৷
- ইনষ্টাগ্ৰামত সৰ্বাধিকসংখ্যক লাইক পোৱা ফটোখন হৈছে এটা কনীৰ ৷ world_record_egg নামে আপলোড কৰা এই ফটোখনে বিশ্ব অভিলেখ গঢি থৈ দিছে ৷
- সমগ্ৰ বিশ্বত প্ৰতিদিনে 500 মিলিয়ন টুইট কৰা হয় যিটো প্ৰতি ছেকেণ্ডত 6,000 টুইট কৰা হয় ৷
