নিউজ ডেস্ক, 24 অক্টোবৰঃ বিশ্বত মহামাৰী ক’ৰণা ভাইৰাছত 4,24,69,951 গৰাকীতকৈ অধিক লোক আক্ৰান্ত হোৱাৰ লগতে বৰ্তমান পৰ্যন্ত 11,49,142 গৰাকীতকৈ অধিলোকে মৃত্যু আঁকোৱালি লৈছে ৷ ইপিনে সম্প্ৰতি এই মহামাৰী কৱলৰ পৰা 3,14,23,039 গৰাকীয়ে আৰোগ্য লাভ কৰিছে ৷
উল্লেখযোগ্য যে, সমগ্ৰ বিশ্বৰ ভিতৰত আটইতকৈ বেছি ক’ৰণাত আক্ৰান্ত হৈছে আমেৰিকা যুক্ত ৰাষ্ট্ৰ ৷ বৰ্তমান পৰ্যন্ত আমৰিকাত এই মহামাৰীত 87,46,953 গৰাকীতকৈ অধিক লোক আক্ৰান্ত হোৱাৰ লগতে 2,29,284 গৰাকী লোকে মৃত্যুক আঁকোৱালি লৈছে ৷
দক্ষিণ কোৰিয়াত 77 গৰাকীৰ দেহত নতুনকৈ ক’ভিড-19 পজিটিভ ধৰা পৰিছে ৷ তাৰ ভিতৰত অধিক সংখ্যক আক্ৰান্ত ৰাজধানীতে পোৱা গৈছে ৷
শ্ৰীলংকাৰ এগৰাকী বিষয়ববীয়াই উল্লেখ কৰে যে,শনিবাৰে দেশখনৰ মুখ্য মাছৰ বজাৰত 609 গৰাকীৰ দেহত ক’ভিড-19 পজিটিভ পোৱাৰ পিছতে মাজৰ বজাৰৰ লগতে দোকান সসূহ বন্ধ কৰি দিয়া হৈছে ৷
সমগ্ৰ ঘটনাৰ পিচতে ক’লম্বোৰ বিভিন্ন প্ৰান্তত চৰকাৰে সান্ধ্য আইন জাৰি কৰিছে ৷ যি সমূহ অঞ্চলত জনসংখ্যাৰ ঘনত্ব বেছি সেই সমূহ অঞ্চল চৰকাৰে কোৱাৰেন্টাইন জ’ন হিচাপে ঘোষণা কৰিছে ৷ 11 খন গাঁৱৰ লগতে শ্ৰীলংকাৰ ৰাজধানী ক’লম্বোত এই ব্যৱস্থা কৰা হৈছে ৷
সম্প্ৰতি চৰকাৰে কেইবাহাজাৰ লোকক নিজৰ নিজৰ ঘৰত কোৱাৰেন্টাইন কৰাৰ ব্যৱস্থা কৰিছে ৷ বিদ্যালয় , চৰকাৰী কাৰ্লযালয়, বন্ধ কৰি দিছে ৷ সামাজিক সভা,ৰাজহুৱা যাতায়ত ব্যৱস্থাত প্ৰতিবন্ধকতা আৰোপ কৰিছে চৰকাৰে ৷
লগতে পঢ়কঃ বিহাৰ নিৰ্বাচন: আৰজেডি দলৰ নিৰ্বাচনী ইস্তাহাৰ প্ৰকাশ
