বিজেপিলৈ গ'ল ক্ৰিকেটাৰ গৌতম গম্ভীৰ

ক্ৰিকেটৰ খেলপথাৰৰ পাচত ৰাজনীতিৰ পথাৰখনত খোজ দিলে ক্ৰিকেটাৰ গৌতম গম্ভীৰে ৷ ৰাজনীতিৰ খেলখনতো সফলতা লাভ কৰিবনে গম্ভীৰে?

নিউজডেস্ক.২২মাৰ্চ: শুকুৰবাৰে বিজেপিত আনুষ্ঠানিকভাৱে যোগদান কৰে ভাৰতীয় দলৰ প্ৰাক্তন ক্ৰিকেটাৰ গৌতম গম্ভীৰে । বিগত বহু দিন ধৰি খেলপথাৰৰ পৰা অব্যাহতি লোৱা ক্ৰিকেটাৰগৰাকীয়ে শুকুৰবাৰে বিজেপিৰ জ্যেষ্ঠ নেতা তথা কেন্দ্ৰীয় মন্ত্ৰী অৰুণ জেটলি আৰু ৰবিশংকাৰ প্ৰসাদৰউপস্থিতিত বিজেপিত যোগদান কৰে গৌতম গম্ভীৰে ।

আনহাতে দলটোত যোগদান কৰি গম্ভীৰে মন্তব্য কৰে যে প্ৰধানমন্ত্ৰী নৰেন্দ্ৰ মোদীৰ নীতি-আদৰ্শৰ দ্বাৰাপ্ৰভাৱিত হৈয়ে তেওঁ বিজেপিত যোগদান কৰিছে। উল্লেখ্য যে ইয়াৰ পূৰ্বে ৩ মাৰ্চত পত্নীৰ সৈতে বিজেপিত যোগদান কৰিছিল ক্ৰিকেটাৰ ৰবিন্দ্ৰ জাদেজাই ।

পিচে ২০১১ চনত ভাৰতৰ বিশ্বকাপ জয়তমুখ্য ভূমিকা লোৱা প্ৰাক্তন খেলুৱৈ গম্ভীৰে কেনেদৰে বিজেপিৰবিজয়ত অৱদান আগবঢ়ায় সেয়াহেএতিয়া সকলোৰে লক্ষণীয় হৈ পৰিব ৷