জম্মু আৰু কাশ্মীৰত সেনা আৰু সন্ত্ৰাসবাদীৰ মাজত সংঘৰ্ষত নিহত এটা সন্ত্ৰাসবাদী

জম্মু-কাশ্মীৰৰ ছ‘পিয়ান জিলাৰ ডাইৰো অঞ্চলত শুকুৰবাৰে নিশাৰ ভাগৰ পৰা সন্ত্ৰাসবাদী আৰু নিৰাপত্তাৰক্ষীৰ মাজত অব্যাহত আছে সংঘৰ্ষ ৷ ইতিমধ্যে পুৱাৰ ভাগত নিৰাপত্তাৰক্ষীৰ গুলীত নিহত হৈছে এটা সন্ত্ৰাসবাদী ৷ উক্ত অঞ্চলৰ পৰা সন্ত্ৰাসবাদীৰ দলটো যাতে পৰাই যাব নোৱাৰে তাৰ বাবে সেনাই অ়ঞ্চলটোত তীব্ৰতৰ কৰি তুলিছে তালাচী অভিযান ৷

নিউজ ডেস্ক, 17 এপ্ৰিল: দেশজুৰি চলি থকা লক ডাউনৰ মাজতে জম্মু-কাশ্মীৰৰ ছ‘পিয়ান জিলাৰ ডাইৰো অঞ্চলত শুকুৰবাৰে নিশাৰ ভাগৰ পৰা সন্ত্ৰাসবাদী আৰু নিৰাপত্তাৰক্ষীৰ মাজত অব্যাহত আছে সংঘৰ্ষ ৷ নিশাৰ ভাগত সেনাৰ বাহনলৈ লক্ষ্য কৰি সন্ত্ৰাসবাদীৰ এটা দলে অতৰ্কিতে চলায় আক্ৰমণ ৷ উক্ত অঞ্চলত সন্ত্ৰাসবাদীৰ এটা দল লুকাই থকাৰ খবৰ লাভ কৰি তালাচী অভিযান চলাবলৈ গৈছিল নিৰাপত্তাৰক্ষীৰ দলটো ৷

নিৰাপত্তাৰক্ষীৰ অৱস্থিতিৰ উমান পাই সন্ত্ৰাসবাদীৰ দলটোৱে সেনালৈ উদ্দেশ্যি আৰম্ভ কৰে ধাৰাষাৰ গুলীবৰ্ষণ ৷ যাৰ পাছতে নিৰাপত্তাৰক্ষীয়ে উক্ত অঞ্চলটো ঘেৰাও কৰি সন্ত্ৰাসবাদীৰ বিৰুদ্ধে আৰম্ভ কৰে অভিযান ৷ বাতৰি লিখা পৰলৈকে উক্ত অঞ্চলত ভাৰতীয় সেনা আৰু সন্ত্ৰাসবাদী গোটৰ মাজত অব্যাহত আছে গুলীয়াগুলী ৷ ইতিমধ্যে পুৱাৰ ভাগত নিৰাপত্তাৰক্ষীৰ গুলীত নিহত হৈছে এটা সন্ত্ৰাসবাদী ৷ উক্ত অঞ্চলৰ পৰা সন্ত্ৰাসবাদীৰ দলটো যাতে পলাই যাব নোৱাৰে তাৰ বাবে সেনাই অ়ঞ্চলটোত তীব্ৰতৰ কৰি তুলিছে তালাচী অভিযান ৷

লগতে পঢ়ক : লক ডাউনৰ সময়ছোৱাত বুক কৰা বিমান সেৱাৰ টিকটৰ টকা ঘূৰাই পাব যাত্ৰীয়ে!